كرسي إعتراف H I M A A

تذكير بمساهمة فاتح الموضوع :

بسم الله .

إحم ... إحم ....

صحيح صاحبي وحبيبي يا هيما بس جه اليوم إلي نسيب بعض فيه ههههههههههه

طبعا يا جماعة كلنا عارفين إن هيما ماو طويييييل و معني كده إيه

إننا لازم نعمله أسئلة تناسب طولة ههههههههههه يعني أسئلة طويلة و كتيييييرة ولا إيه يا شباب ؟؟

مش قولتلك هنخسر بعض ههههههههههه

أظن إنكم مش محتاجين توصية مني بس أنا عاوزه يقوم من الكرسي شعرة أبيض من كتر الأسئلة خلاص ؟؟ ههههههههههههههه

LET'S GOoOoOoOoOoOoOoOoO

:dOWn: :dOWn: :dOWn: :dOWn:

جااامد

·٠●♥ Ƹ̵̡Ӝ̵̨̄Ʒ ♥●٠· كتب:: كاآآآآآآكـ ... استني الجرعة التانية ههههههههههههه

مهو انا اديتوا جرعه حلوه بس هو طنش

CRazy Moro كتب:: -عضو تتمنى تلقتي به ... ؟

كلهم

29-عضو مثقف ... ؟

الاء و انت يا ماو الالء فى الدين و الحياه العامله و انت فى الكوره زيى كدا يا مان

30-عضو نفسك تغير اسمه ... ؟

مفيش كل واحد حر فى اسمو و انا مليش دعوه و مفيش حد عايزو يغير اسمو

31-عضو نفسك تكفخه هههه ... ؟

مش فاهم يعنى ايه تكفخو؟؟؟؟ قصدك انفخو يعنى لا يا ماو لو قصد كدا انا مبضربش حد و مفيش اى حد هنا خالص انا متضايق منو خالص خالص

32-عضو نفسك تقول له ( برافو عليك ) ... ؟

كلهم

33- عضو تبي تهديه بيت شعر ايش هو بيت الشعر ؟

مليش فى الشعر بصراحه يعنى

34-ماهو رأيك بالحب ؟.

احلى حاجه فى الدنيا و اوحش حاجه فى ادنيا يعنى ممكن يفيدك و تبقى اسعد انسان فى الدنيا و ممكن يخليك اتعس انسان فى الدنيا و هوا اللى يخش فيه يحس ان هوا دخل الجنه بس اللى يطلع منو يحس اكنو طلع من النار

35- صــف نفســـك بكلمتيـــن فقـــط..!

THE COOLEST

36 -مــاهــو الشــئ الذي ندمــت علــي عمـلــــه؟!؟

حاجات كتير بس مش فاكرها بصراحه

37 -كـلمـــة تمنيـــــت ان تسـتطيـــع سحـبهــــا؟!؟

انا اسف مبحبش اقولها كتير

38 -آخـــر شخـــص تتـــذكــــره قبـــل أن تنـــــام؟!؟

اعز الناس عليا اوى و القريبين منى اوى

39 -جــريمــة تتمنـــي لـــو تستطيـــع ارتكابهــــا؟!؟

ان انا اروح اسرق بنك و اخد رهاين نفسى اجربها اوى بجد ان انا اسرق بنك و يكون صعب اوى كمان علشان احس ان انا عملت حاجه هههههههه

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

من اعز الناس عليا

41-شخـــص لطــالما حـــلمـــت بــــه؟!؟

انا مبحلمش كتير

42 -دمـعـــه انـذرفــــت رغـمــاً عنـــك؟!؟

عادى كان فى حاجه فى عينى ساعتها هههههههههه

43 -مـوقـــف صــدمــك ولــن تنســــاه؟!؟

كان فى موقف و انا ماشى فى شارع امريكا العمومى حضرنى موقف موق جميل موقف جميل جدى
يعنى موقف كدا حصل معايا ان انا كنت ماشى و فجاه حد شتمنى باابويا الله يرحمو يعنى واحد بيستظرف و دخلت معاه فى خناقه و الناس حاشوه عنى و من ساعتها و انا بتمنا ان انا الاقيه تانى

44 -شـخــص تتمنــي الإنتقــام منـــه؟!؟

مفيش حد اتمنا الانتقام منو لان انا بسامح الناس كتير و مبحبش ازعل نفسى خالص يعنى الناس بتاخدوها على اسا ان انا مش عايز ازعل حد منى و او ان انا اخسرو لا عادى انا الاساس ان انا مبحبش ازعل نفسى خااااااااااالص عايز اعيش حياتى بحره

45-شــئ او عمــل لا تستطيــع مســامحته؟!؟

لا عادى انا بسامح كتير و متفتكرش ان دا ضعف لا دى حكمه و قوه فى نفس الوقت بس للى يفهم بئى

46-شــئ او شخــص غيــّر مجــري حياتـــك؟!؟

اعز الناس عليا

47-حلم لا تستطيـــع تحقيقه؟!؟

ان انا احكم العالم

48-كلمة تود سماعها كل يوم؟!؟

بصراحه بحب كلمه ميرسى اوى من البنات ههههههههه لا بجد بئى انا بحب كلمه الله اكبر الله اكبر فى الادان

50 -طالع رحله بريه من تاخذ معك ؟؟

اخد كل الناس اللى بعزهم عليا اوى و بحبهم اوى

51 - غرق المنتدى ومعك قارب مايشيل الا ثلاثه من تاخذ معك ؟

اخد اللى اون لاين هههههههههه مش هيغرق يا حلو متخفش انا عاملو نص عمرا امبارح هههههههه

طــــــــــــب ورينى شطارتك بأه

1_ تنطبق نظريه ماكسويل على
( الاجسام الكبيره فقط _ الاجسام الصغيره نسبيا_ الاجسام الكبيره نسبيا_ الاجسام الصغيره فقط)
2_شكل الاوربيتال فى المستوى الفرعى P
( اشكال غير معروفه_ كروى ومتماثل حول النواه_ الاتجاهات الفراغيه المتعامده الثلاثه_ كمثرتين متقابلتين بالراس)
3_ ملح يسمى ملح بارود شيلى
( نترات صوديوم_نيرتيت صوديوم_كربونات صوديوم_ كربونات كالسيوم)
4_ مركب يستخدم فى علاج حالات الاكتئاب
(كربونات ليثيوم_ كربونات صوديوم _ كربونات بوتاسيوم_ كربونات امونيوم)
5_وقود لبعض انواع الصواريخ
( الهيدرازين_ الارزين_ الفوسفين_ الايزوكتان)
6_عدد العناصر الانتقاليه
( 30_27_55_28)

حلوه اوى اللاسئله دى يا ابو حميد ها هههههههه بس لسا فى تكلمه

http://forums.matariaonline.com/showthread.php?5683-%C7%D5%DA%C8-%C7%D3%C6%E1%E5-%C7%CE%CA%D1-.-%C7%E1%E1%EC-%ED%DA%D1%DD-%ED%CC%C7%E6%C8-%ED%CE%D4

يعنى هات كل الاسئله مش دول بس و لا ايه ههههههه انا مش عارف اى سؤال من دول لانهم فى الثانويه يا حلو و انا مالى و بعدين المعلومات العامه بردو عندى مش قد كدا ان هيا توصل للمستوى دا

و بعدين لسا فى علل

فى الموقع يا ابو حميد صح ههههههههههه انا مش عارف مضحكش عليك يعنى

اهى أساله وخلاص يا باشا

H I M A A كتب:: حلوه اوى اللاسئله دى يا ابو حميد ها هههههههه بس لسا فى تكلمه

~~http://forums.matariaonline.com/showthread.php?5683-%C7%D5%DA%C8-%C7%D3%C6%E1%E5-%C7%CE%CA%D1-.-%C7%E1%E1%EC-%ED%DA%D1%DD-%ED%CC%C7%E6%C8-%ED%CE%D4~~

يعنى هات كل الاسئله مش دول بس و لا ايه ههههههه انا مش عارف اى سؤال من دول لانهم فى الثانويه يا حلو و انا مالى و بعدين المعلومات العامه بردو عندى مش قد كدا ان هيا توصل للمستوى دا

و بعدين لسا فى علل

فى الموقع يا ابو حميد صح ههههههههههه انا مش عارف مضحكش عليك يعنى

يمنع وضع روابط لمنتديات أخري خارج نطاق منتدانا

الإدارة /

يا محمد يا جااااااااااااااااااااااااامد ............ بص بأه عاوزيــن نغير ال على الكرسى زهأنه معندناش أسئله تانى

اجابات جميلة يا ابراهيم تسلم .. انا اسفة والله بجد لوالدكـ رحمه الله ،، بس فعلا حاجة صعبة اوي انكـ تفقد اعز الناس ليكـ - واسأل مجرب - بس كلنا رايحين وما نملكش غبر ان احنا ندعي لهم بالرحمة ،، واحنا نقابلهم في جنة الخلد بإذن الله تعالي ...

احم // نخليها جد شوية ..

1-ايه اكتر حلم حلمه هيموو سواء نفذه او لسه هينفذه ؟؟ ( مش بالضروره حلم شخصي )

2-هل حد قبل كده اتهمك بالغموض ؟؟ وما هو معنى الغموض بالنسبه ليك ؟؟

3-عندك ثقه بنفسك بتحس انها بتوصل لدرجه الغرور ولا لاء ؟؟

4-اتعرضت لموقف ومعرفتش تاخد قرار فيه ؟؟ وهل اثر فحياتك بعد كده ولا لاء ؟؟

5-اتظلمت قبل كده ومقدرتش تقول انك مظلوم ؟؟

6-ممكن تسامح ف الجرح ؟؟ وامتى تقول لا مش هسامح ؟؟

7-قولتها قبل كده ( مستحيل اسامحك ) ؟؟

8-عمرك ندمت لانك رفضت تسمع حد معين ؟؟

9-تقييمك للناس بيكون على اساس ايه ؟؟

كفايه عليك الجرعة دي ^_*

بالشفا ان شاء الرب ((:

H I M A A كتب:

CRazy Moro كتب:: [color=green]
1-!
3-ما رأيـك فى حسام الدين ؟؟!!

هوا حسام يعنى مش مصرى اوى هوا مصرى اه بس مش فاهمنا يعنى فى الكلام يعنى محتاج اعدا معايا كدا اعلمو الكلام امصرى الاصيل بس هوا طيب و غلبااااااان و على نياتو اوى لا يا امو ابو حسام دا حبيبى

لالالالالالالالالالالالا هو دة اللي انا عمري ما اقبله ابدا ان حد يشكك ف مصريتي لا لالالا انا مصري اكتر منك ومن كل المصريين انا مش عايش ف السعودية غلى طول انا بنزل مصر طبعا ومابكلمش مع السعوديين ولا اعرفهم هعرف الاملة؟ فطبعا بكلم مصري حتى امتب ف قسم التحدي امثال ناقصة ان شاء الله هكملهملك كلهم باذن الله بس اوغى تشكك ف مصريتي

ومية مرة قولتلك متقوليش ابو حسام هي بصراحة مرة واحدة المهم ماتقولليش ابو حسام خاااااااالص

يا ابو حسام انا مبشككش فى مصريتك اكيد بس فى كلام كتير انت مش فاهمو او عبارات كتيره اوى مصريه انت مش فاهمها كتيييييييييييييييييره اوى يعنى عايز اعدا كدا حلوه فاكر لما اولتلك هتتفحت او هتتقطع مفهمتهاش صح و متخفش يا ابو حسام انت مصرى متخفش ههههههههههههه ماشى يا ابو حسام اهو ابو حسام دى كمان فى المصرى يعنى انا بدلعك ابو حسام شوفت انت كامن مش فاهمها ازاى بئى البس يا بومبو

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

·٠●♥ Ƹ̵̡Ӝ̵̨̄Ʒ ♥●٠· كتب:: اجابات جميلة يا ابراهيم تسلم .. انا اسفة والله بجد لوالدكـ رحمه الله ،، بس فعلا حاجة صعبة اوي انكـ تفقد اعز الناس ليكـ - واسأل مجرب - بس كلنا رايحين وما نملكش غبر ان احنا ندعي لهم بالرحمة ،، واحنا نقابلهم في جنة الخلد بإذن الله تعالي ...

احم // نخليها جد شوية ..

1-ايه اكتر حلم حلمه هيموو سواء نفذه او لسه هينفذه ؟؟ ( مش بالضروره حلم شخصي )

بصراحه انان اولت حلمى اللى انا نفسى انفذو انما الحلم اللى انا نفذتو فعلااا ان انا عشت الحياه بتاعت الشباب و المراهقين كان نفسى اعيشها بجد و عيشتها على اكمل وجه و استمتعت بصراحه بالحياه دى

2-هل حد قبل كده اتهمك بالغموض ؟؟ وما هو معنى الغموض بالنسبه ليك ؟؟

لا انا طول عمرى اللى فى قلبى على لسانى مكنتش غامض و لا مرا فى حياتى .... الغموض ان حد يبقى شايفك بجد و انت مش شيفو خالص يعنى هوا يعرف عنك حاجات كتير و انت متعرفش عنو اى حاجه دا الغموض بالنسبه ليا انا يعنى

3-عندك ثقه بنفسك بتحس انها بتوصل لدرجه الغرور ولا لاء ؟؟

لا انا عمرى مكنت مغرور بس انا لو عايز ابئى مغرور ابئى مغرور براحتى و هتشوفى احلى غرور انا طول عمرى متواضع جدى و مبحبش التكبر انما لو بئى فى اى حاجه نرفزتنى فى موضوع ان انا يعنى متواضع و كدا بيشوفو منى احلى غرور و انا تمام فى الغرور دا و انا بصراحه واثق من نفسى بس لدرجه الغرور و لما ابئى مغرور بيبقى بهزار كمان مش بجد

4-اتعرضت لموقف ومعرفتش تاخد قرار فيه ؟؟ وهل اثر فحياتك بعد كده ولا لاء ؟؟

بصراحه ايوه ....بس ماثرش فى حياتى بعد كدا خالص

5-اتظلمت قبل كده ومقدرتش تقول انك مظلوم ؟؟

لا انا مبحبش اسكت على اى ظلم و انا اكتر حاجه بتضايقنى بجد هيا الظلم و ان انا اتظلم و انا معملتش اى حاجه و لازم اقول ايه الظلم انا مبسكتش بالذات على الظلم

6-ممكن تسامح ف الجرح ؟؟ وامتى تقول لا مش هسامح ؟؟

انا ممكن اسامح فى الجرح ... بس مش هقول انا مسامح الا فى حاله واحده ان اللى جرحنى دا يكون جرح حد عزيز عليا كمان و هوا بيجرحنى و يكون قصده كدا او ان هوا يجرح الناس العزيزه عليا عن طريقى انا مش ممكن اسامح فى دى

7-قولتها قبل كده ( مستحيل اسامحك ) ؟؟

عمرى مقولتها فى حياتى انا قلبى طيب خالص بسامح كل الناس ما عدا طبعاا الى انا اولتو فى السؤال الاول بس انا مش عايز اقولها و لا عمرى قولتها قبل كدا

8-عمرك ندمت لانك رفضت تسمع حد معين ؟؟

اكيد

9-تقييمك للناس بيكون على اساس ايه ؟؟

على اساس ان هما ازاى بيعرفو يتعاملو مع اللى حواليهم يعنى لو قابلت حد غريب مثلا فى الشارع و طلب منك حاجه انت ازاى تعرف تتعامل معاه .... او مثلا واحد صاحبى جه معايا مشوار و انا قبلت واحد صاحبى تانى يا ترا صاحبى الاول دا هيتعامل ازاى مع صاحبى التانى هيسيبنى و انا بكلمو و يتقمص علشان وقفت معاه و لا هيخش فى الحوار و يتعرف عليه و انا بحب النوعيه اتانيه بصراحهخ لان انا كدا بحب اتعرف على الناس لان احلى حاجه فى الدنيا التعرف على الناس لانهم بينفعو فى اوقات الشده

كفايه عليك الجرعة دي ^_*

بالشفا ان شاء الرب ((:

و متشكر اوى يا الاء على ااهتمام و ربنا يرحم الجميع يا رب و انا كنت حاسس ان انا مقصر فى حق ابويا الله يرحمو بس الحمد لله حاسس دلوئتى ان هوا فرحان منى يارب يسكنو فسيح جناتو امين يا رب

و دي حاجة اكيدة يا ابراهيم .. ربنا يقدركـ علي فعل الخير (: ..

استني اخر جرعتين او ممكن 3 هههههههههههه

MoHaMeD EL-King كتب:: .هل تؤيد الزواج العاطفي ام الزواج التقليدي ؟ ولماذا ؟

انا يا سيدى عايز الزواج العاطفى لانو بيبقى احسن فى كل حاجه الاتنين متفهمين بعض عارفين كل واحد بيحب ايه و بيكره ايه و لو الاتنين عاقلين يبقى الزواج دا هيبقى احلى زواج فى العالم و احلى حياه هتعيشها بس ركز على كلمه عاقلين

.ايهما اهم شهادتك الجامعيه أم الزواج ممن تحب ؟

الشهاده الجامعيه لانها اللى هتخلينى اتجوز اللى بحبها اكيد يعنى

.هل تعترف بشيء اسمه الصداقه بين الرجل والمرأة ؟

اكيد فى صداقه بين المراه و الرجل

.هل انت مدمن تفكير؟

لا انا مبحبش افكر كتير الا فى الحاجه الى هتهمنى او تهم حد عزيز عليا اوى

.من هو اكثر شخص تفكر فيه؟

كل الناس العزيزه عليا اوى

.اذا تم تعيينك ملكا لجميع البلاد العربيه فما اول قرار ستتخذه ؟

تعميم النعناع هههههههه اول قرار هتخذو عمل مؤتمر للقمه العربيه و نتناقش فى فتح اسواق مشتكره بين الدول العربيه و الاستغناء عن دول اوروبا

.هل تكره شخص بشده في حياتك ؟

لا انا عمرى مبكره حد خالص فى حياتى

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

ان انا اخد اشراف هههههههه لا الاقتراح ان المنتدى يكون عالمى و ان كل الاعضاء يدخلو فيه مش اللى سجل و مشى

.هل ملابس الشخص امامك تؤثر فيك لتأخذ عنه انطباع ؟؟

ساعات مش لازم يعنى

.ماالذي يلفت انتباهك بسرعه في الشخص لكي تعجب به ؟

مشيتو لانها بتحدد اذا كان محترم و لا ايييه

اذا احببت شخصا في الوقت الخطأ وفي المكان الخطأ فماذا تفعل ؟؟

ارضى بحكمه ربنا و اشوف هيحصل ايه و ارضى بالى قسمهولى ربنا

.حكمة تؤمن بها جدا؟؟

اللى ربنا عايزو هيكون

.عاده تفعلها دائما تتمنى ان تتركها ؟

ان انا اعد على النت كتير اوى بس الحمد لله قللت منها شويه الايام دى

ماهو اجمل اسم لولد واجمل اسم لبنت من وجهة نظرك؟

اسم الولد هوا اياد .... اسم البنت هوا نوره

.ماذا تفعل اول شيء اذا ربحت مليون ؟

هدفع كل الديون اللى علينا و هطلع ماما الحج و اعين الباقى فى البنك و طبعاا اجيب الموتوسيكل اللى بحلم بيه

.هل انت من لديهم رغبة حب التملك واذا تملك الشيء اصابه الملل منه ؟

لا انا مش كدا خالص

تماااااااامووووووووووز كفاية عليك كده مني عشان في ليه غيرك هههههههههههههههه

تمام يا مان خلاص الحمد لله كفايه انا كدا يا ماو الحمد لله انا طلعت منها

(1)________ ايه مواصفات البنت الى هتكون شريكه حياتك؟

(2)________ ايه اكتر حاجه تضايقك لدرجه انك ممكن تعيط عشانها؟

(3)________ مين اكتر واحد صحبك اتعرفت عليه وحسيت انه صحبك بجد وبتثق فيه؟

(4)________ ايه اكتر حاجه مجنونه نفسك تعملها وفى نفس الوقت مش قادر تعملها؟

(5)________ نفسك تعيش لوحدك ولا مع اصحابك ولا مع اهللك؟

(6)_______ مين اقرب حد ليك ويا ترى انت اقرب حد ليه؟

(7)_______ بتحب الحيوانات الاليفه ولا الشرسه ونفسك تربيهم ولا لاء؟

(8)_______ ايه اكتر موقف ضيقك ومن مين؟

(9)_______ فكرت تنتحر قبل كده وعشان ايه؟

(10)______ بتحب دلوقتى ولو بتحب بتحب مين؟

كفايه كده عشان انا تعبت من كتر التفكير فى الاسئله

عملت اه لما مصر اتعادلتليه كتبت اسمك فى المنتدى himaaاشمعنى التوقيع دا الى حطيطه نمره تليفونك المحمول بتاعتك اهكارت الشاشه بتاعك كام سرعه النت بتاعتك كام

yoya كتب:: (1)________ ايه مواصفات البنت الى هتكون شريكه حياتك؟

انها تكون مؤدبه اكيد .... مش مفروض تكون محجبه لان انا اكيد هقنعها بكدا .... بتكون مرحه و بتحب الحياه.... جميله .....بتحب تتعرف على الناس التانيه ... بتعرف تتعامل فى المشاكل....تكون مراعيه حقوق ربنا فى تعاملها مع الناس.... مبتحبش توصل للى هيا عايزاه بان هيا تدوس على ناس تانيه.... بتحب المغامره.....اكيد اقصر منى ههههههههه ....اكيد من عيله محترمه..... كمان يا ريت بئى يعنى تكون شيك اوى اوى اوى و بترعف تنتقى لبسها و لا اكون ضيقه اوى او واسعه اوى

(2)________ ايه اكتر حاجه تضايقك لدرجه انك ممكن تعيط عشانها؟

اكيد اما حد عزيز عليان يحصلو حاجه او يكون فى مشكله و مش عارف اساعدو بحس ساعتها بالذنب او لما حد يقع فى مشكله و انا اكون السبب فيها دى بتضايقنى اوى بس مبعيطش الا على الغالى و بس ....و كمان بعيط على مانشستر يونايتد لما بيخسر انا متعصب كوره و انا عارف ان دى حاجه مش عاجباكو بس دى عاجبانى انا

(3)________ مين اكتر واحد صحبك اتعرفت عليه وحسيت انه صحبك بجد وبتثق فيه؟

اكيد روما اللى هوا محمد اشرف

(4)________ ايه اكتر حاجه مجنونه نفسك تعملها وفى نفس الوقت مش قادر تعملها؟

ان انا اسرق بنك انا قولتها قبل كدا .... كمان اجيب موتسيكل و اطير بيه على اسكندريه على الفجر و على اقصى سرعه و اكون لابس قميص و اغيرو و انا سايق او اقلعو و انا سايق او افتح نصز كدا و انا طاير

(5)________ نفسك تعيش لوحدك ولا مع اصحابك ولا مع اهللك؟

مبحبش اعيش لوحدى بصراحه انا بحب اعيش مع اصحابى اوا اهلى عادى الاتنين يمشو عادى عندى بصراحه بس انا مبحبش اعيش لوحدى خالص

(6)_______ مين اقرب حد ليك ويا ترى انت اقرب حد ليه؟

محمد اشرف و انا اقرب حد ليه فعلا

(7)_______ بتحب الحيوانات الاليفه ولا الشرسه ونفسك تربيهم ولا لاء؟

انا بحترم جداا الحيوانات الشرسه لانها مبتحبش تكون حد بيمشى عليها كلمتو او حد يامرها بحاجه هيا بتاخد كل حاجه بنفسها و مسؤوله عن نفسها فى كل حاجه اكلها شربها حياتها كل حاجه مبحبش اى حد يعطف عليا زى الحيوانات الاليفه

(8)_______ ايه اكتر موقف ضيقك ومن مين؟

اكتر موقف بيضايقنى ان حد يعمل فيا حاجه تخلى الناس تضحك عليا بس مش فاكر بصراحه من مين لانها عمرها متعملت فيا هههههه

(9)_______ فكرت تنتحر قبل كده وعشان ايه؟

انا بحب الحياه جدى و عمرى مفكرت انتحر لان اللى عايز ينتحر دا يبقى معقد نفسيا دا لو مشاكل الدنيا كلها عندى عمرى مهفكر انتحر ابدااااا و لو فى حد انا اعرفو فكر ينتحر قبل كدا يبقى انا مش عايز اعرفو تانى لان هوا بيحب يهرب من المشاكل اللى بتواجهو و لو مش مقتنع بكدا يبقى دى مشكلتو هوا مش انا

(10)______ بتحب دلوقتى ولو بتحب بتحب مين؟

انا بحب حد يا ايه بس انا معلش مش هقدر اقول هوا مين بس خلاص فى وشك الانتهاء من العلاقه دى خلاص و انا دلوئتى ممكن او تقدرى تقولى ان انا مبحبش اى حد خالص دا دلوئتى يعنى و الحمد لله انا عايش حياه حلوه خاااااااالص

كفايه كده عشان انا تعبت من كتر التفكير فى الاسئله

عندك حق انتى فكرتى كتير اوى هههههههه ربنا معاكى

Cobra كتب:: عملت اه لما مصر اتعادلتليه كتبت اسمك فى المنتدى himaaاشمعنى التوقيع دا الى حطيطه نمره تليفونك المحمول بتاعتك اهكارت الشاشه بتاعك كام سرعه النت بتاعتك
كام

بص يا ماو الواحد لما يكتب اسئله يفصلها عن بعضها احمد ربنا ان انت معاك واحد زيى اهو فهمت حاجه من اللى انت كاتبو دا ههههههههههه ماشى يا ماو هجاوب اهو

السؤال الاول : عملت ايه لما مصر اتعادلت ؟

بلاش اقولك علشان ممكن تزعلو منى جامد هههههههه هكون عملت ايه يعنى اكيد زعلت و اعدت حزين شويه كدا بس كدا

السؤال التانى:ليه كتبت اسمك فى المنتدى هيما؟

لان انا بحب الاسم دا و مبحبش اخفى شخصيتى بصراحه يعنى

اشمعنا التوقيع اللى انت حاطو؟

عادى عجبنى اولت احطو عادى يعنى مفيش حاجه

نمرع التليفون المحمول بتاعتك ؟

انت عايزنى احط النمره كدا عادى يعنى و لا ايه لو عايزها قول عادى بس مش هنا يعنى هيقولو الواد دا بئى حاطط النمره علشان البنات بئى و الكلام دا بس انت لو عايزها انا هبعتهالك فى رساله عادى بس ناا اسف مش هينفع احط النمره هنا

كارت الشاشه بتاعك كام ؟

و الله مضحكش عليك يعنى انا معرفش كام بس انا اعتقد ان هوا 256 اعتقد كدا

سرعه النت عندك كام ؟

انا عندى السرعه 1 ميجا و 400 كيلو بس المتوسط بتاعها بيبقى 700 كيلو بايت فى الثانيه كلو

ما انت عارف انا بسال ليه رخامه هه

اعتقد ان انا رديت قبل كدا على السؤال دا على احمد و اولت دى حاجه تخصنى انا و محدش ليه دعوه بالحاجه دى معلش يعنى انا اسف لو ردى كان كدا بس انا بعتزر جدا على الرد دا بس انا بجد مش عايز حد يعرف لان دى حاجه تخصنى و يا ريت الكل يحترم الحتا دى عندى و لو مضايقاكو انا هقول ان انا بحب بس كدا كفايه اوى

على فكره مش قصدى انى ادخل فى حياتك يا ابراهيم انا سألت سؤال وخلاص بس على فكره ردك مش لذيذ كان ممكن تقول مش هقول وخلاص وردك على احمد انا مشوفتوش قبل مكتب الاسئله ثم ان كل الاسئله الى انا سألتها دى مش عشان بجمع معلومات عنك دى اسأله عبيطه اصلا عشان دى يعتبر لعبه اوكى

وعد يا جماعه انا مش داخله منتدى ده تانى ووعد يا ابراهيم انى موجهلكش اى كلام تانى ولا اى حاجه لانى بجد غلطانه انى سألت اسأله ذى دى شكر ايا جماعه

انا غيرت الرد بتاعى يا ايه و خلاص متزعليش منى بئى احنا اعز اصحاب يعنى مفيش مشكله انا بس كنت مخنوق ساعتها شويه و خلاص عدى الموضوع على خير يعنى عديها يعنى خلاص بئى مفيش حاجه حصلت الحياه حلوه و متطلعيش من المنتدى دا خلاص انا اسف و متزعليش خلى قلبك كير يا ايه احان بردو اصحاب يعنى و اخوات

اهو و بالون البنفسجى اللى انتى بتحبيه

ماتزعليش يا اية عادي يعني ماهو رد نفس الرد على احمد واحمد مازعلش ولا حاجة عادي يعني
انا خايف لا اكون بحرض احمد على انه يزعل

» كرسي إعتراف dreams sonaa
» أول كرســــــــي إعتراف يلااااااااااااااااااااااااااااا