ممممم....ياتري انا رخمة للدرجة دي...ههههههههه

صباحكم ومساءكم جميل،،،وازيكم يا جماعة عاملين ايه،،،واخبار الاجازة الجمييييييييييلة معاكوا ايه؟؟ههههههههه

انا النهاردة بإذن الله هأحكي الموقف اللي حاصلي امبارح وانا خارجة،،،وهو كالتاتي:

ماما قالتلي امبارح اروح فتح الله اجيب لحمةالجمل ولحمة مش عارفة ايه وكذا وكذا وكذا،،،عشان عندنا عزومة النهاردة،،،وعيلتي كلهم تقريبا عندهم السكر فعشان كدة ماما بتعتمد دايما علي لحمة الجمل،،،المهم...

اخدت منها الفلوس طبعا،،،وبعدين قالتلي امشي وما تخديش تاكسيات احنا لسة الدنيا نهار،،فقلت لنفسي ايه ده هي ماما عرفت ازاي اني كنت هاخد تاكسي...هههههههه

المهم وانا ماشية بقه متعودة دايما ابص علي الارض وانا بأمشي،،،عشان لما بأبقي لوحدي بأنطلق في المشي وتلاقوا فراري ماشيةههههههه،،،وبعدين في اثناء مسيرة كفاحي،،،جه راجل شكله محترم جدا والله ومؤدب،،وقاللي:والله لو ماكنتش خاطب كنت خطبتك انتي عشان مشيتك دي...هههههههههههه

انا اصلا اتخضيت وفضلت ماشية طبعا ولا بصتله،،،والحمد لله مشي بعيد،،،

وبعد ماقلبي وقع في رجليا ،،،قلت لا بقي هاخدها من قاصرها واخد تاكسي،،،فبعدين ركبت تاكسي ووصلت هناك الحمد لله من غير حوادث،،،غير ان بس الشنطةاللي كنت لابساها اتقطعت من الجنب عشان مسمار ظريف لطيف اتشبك فيها وقطعها،،،المهم يعني...

دخلت طبعا فتح الله،،،ببص لنفسي علي الشاشة اللي بتبقي في الوش،،،بسم الله ما اء الله لقيت العدسة اليمين بتاعتها وقعت - وانا اقول الناس لما نزلت من التاكسي بتبص عليا ليه هههههههههه-،،،فطبعا خلعتها ولبست نضارة النظر بتاعتي بقي - عشان التانية كانت نضارة مشي -،،،دخلت طبعا المكان وكانت الساعة حوال سبعة وربع،،،فيعدين بقي طبعا اخدت اكبر عربية في المحل واعدت اتمشي لغاية ماوصلت لبتاع اللحمة،،،و قلتله كذا وكذا وكذا،،،ماشي ماشي خدتهم بعد الراجل يا عيني ن هيفرقع مني هههههههه،،،وبعدين اشتريت بقيت الحاجات اللي ماما قالتلي عليهم،،،وبعدين رحت...

لقســــــــم الحلويـــــــــــــات....تاتاتاتاتااااااااااا...

كانت الساعة تقريبا تمانية الا خمسة،،،فبعدين اي نوع حلويات جديد احطه علي طول في العربية،،،شوكلاتة غامقة شوكلاتة بيضه،،،مش عارفة ايه....لغاية ما العربية اصلا اتملت والناس بقت تبص والله ليا كدة باستغراب،،،المهم...

رحت الخزنة الحمد لله والفلوس ماوقعتش من الشنطة زي كل مرة...هههههههههه

وبعدين وانا ماشية حسيت بالذنب عشان جبت الحلويات دي،،،وعشان كمان انا وعدت ماما اني هاروح الدكتور وابتدي الريجيم من يوم السبت - عشان انا قلبوظة ههههههههه ،،،فبعدين بقي عشان اخفف احساسي بالذنب جبت شوكلاتيةواكلتها...هههههههه شفتوا الادمان والله حاجة عجيبة...

المهم وانا ماشية شوفت محل عبد ربه للحلويات،،،بصيت بصة كدة صغيرة لجوة لقيت اللي بيقول اهلا اهلا اهلا بالبشمهندس مروة،،،قلت اكيد هو يقصدني انا عشان كل اللي يشوفني يحسبني مروة دايما حتي صحابها...هههههههه

المهم الحاج خرج من المحل وقال لازم ادخل اشرب حاجة والكلام ده كله،،،وقعدت اقوله والله انا مش مروة واول مرة اصلا اجي هنا،،،قاللي انا اسف يا بنتي والله يخلق من الشبه مية هههههههه،،،فيعدين بقي قلتله عشان يعيني الراجل اتحرج لازم اخدمه بقي ....ههههههه،،،قلتله عايزةعلبتين شوكلاتة كيت كات وحلويات ايونيكا،،،وكمان اخدت اربع علب شوكلاتة كورونا- والله مابهزر بجد ده اللي حصل-...المهم يعني دفهت تمنهم من مالي الخاص اهئ اهئ،،،ورجعت البيت الجميل...

طبعا حطيت شوية في الشنطة وشوية في جيوبي،،،عشان الاكياس تبان صغيرة ادام ماما،،،ماما طبعا اتخضت لما لقت الكمية دي من الشاكليتس -امال لو كانت شاافتهم كلهم كانت عملت ايه...ههههههههه -فبعدين خدت اكبر واحدة وفتحتها وقعدت اكلها ادام ماما اللي عايزة تجيب اي حاجة تخبطني بيها،،،وقلتلها يا
ماما يا حبيبتي انا جايباهم عشان ولاد وبنات العيلة لما ييجوا بكرة اديلهم حاجة منهم،،،ماما طبعا انبسطت وماكنتش مصدقة الحمد لله دخلت عليها ههههههههه،،،وقالتلي معلش يا حبيبتي انتي طلعتي فعلا كريمة،،،وانا ان شاء الله هأديلك تمنهم مع المصروف الجديد،،،طبعا بقي الشهامة خادتني وقلتلها لا ياماما

ماينفعش وحلفت والله ماانا واخدة تمنهم،،،فطبعا ماما قالتلي طيب يا حبيبتي اللي يريحك،،،وخدت الشاكليتس وحاطيتهم في التلاجة الصغيرة اللي في اوضتها،،وانا اللي كنت فاكرة انها هتحطها في التلاجة اللي في المطبخ عااااااا اهئ اهئ،،،ودلوقتي مش عارفة اكلهم لما ييجوا للعزومة ولا انا باديلهم ولا ايه بالظبط،،،،كان لازم يعني انسحب من لساني واقول انا مش واخدة تمنهم تاني.....ههههههههه

ايه رأيكم بقي يا جماعة،،،مش بجد كان يوم تووووووووحفة...خخخخخخخخخ

هههههههههههههههههههههههه

علي فكره انتي فاني خالص

يخرب بيت كده و فراري ايه دي الي ماشيه علي الارض ههههههههههه

بس احلي موقف عجبني بتاع الراجل الي قابلك و انتي ماشيه ده ههههههههههههههه

بس ممكن تقوليلي هو العزومه الي عندكوا دي امتي علشان انا هاجي اخلص علي الشاكليتس الي عندك

و خصوصا الكيت كات هاه انا مش بنسي حاجه

بجد و الله انا قريب ان شاء الله هحط موضوع كده برده عن يوم بس ده كان من زمان

مشكوره بجد و الله و ربنا يووعدك بارايب رخمين يخلصولك علي الشاكليتس ههههههههههه

هههههههه....شكلك يعيني متعقد بقرايبك،،،اكيد بياخدوا منك الشوكلاتة..هههههههه

والعزومة ان شاء الله علي الساعة 4،،،يعني اولاد خيلاني واعمامي واحفادهم وكدة يعني هيطبوا علي الساعة 2 كدة،،،انما خيلاني واعمامي نفسهم هييجوا ان شاء الله علي الساعة 4 كدة ان شاء الله...

ويااااااااريت تيجي تنقذني منهم،،،اصل هم يا صغيرين اوي يعني 5 سنين وانت طالع،،،يا كبار اوي في العشرينات وانت طالع...هههههههههه وهم ما بيصدقوا اصلا انا الوحيدة اللي بيحبوا يرخموا عليها،،،اكمني مسكينة يعني وباسيب الناس كلها في حالها ومابرخمش علي حد..اهئ اهئ اهئ....

ههههههههههههههه....هاااااا هتيجي الساعة كام؟؟،،،عشان تلحق تاكل حاجة دول عفاريت وهيهجموا عليهم خصوصا الكيت كات بيموتوا فيها كمان...هههههههههه

اهم جم اهه،،،جبنا في سيرتهم جم ينطوا...الحقوووووووني دول بيهجموا عليا،،،دول مش بيسلموا دول بينطوا علي الواحد...ياربي..ههههههههه

سلام دلوقتي الحق الشوكلاتة...هههههههه

الاء خبيلي كام واحده كده انا جاي كمان نص ساعه هههههههه

إيه الموضوع إلي كله أكل في حلويات ده هههههههههه

كيت كات وكرونا وشيكلوتا بيضة وغامقة وكل ده غير إلي كان من فتح الله وغير إلي خبيتهم في جيوبك

ههههههههههههههههههههههههههههههههههههههههههههههه

ينهاااااااااااار

حرام ولاه إيه ده كفاية أكل بأه ؟؟؟؟؟؟؟؟!!!!!!!!!1

علي فكرة أنا بشوفك كتييير بس مش بردا أجي أسلم بكسف تزعلي ولا حاجة

بس ولاه مواقف جميلة وحلو أوي موقف الراجل المخطوب ده
ههههههههههههههه

شكرا

ههههههههههههههههههه

» يادي خيبتك التقيله يالي في بالي .... ( ياتري مين ؟؟؟ )
» والله ماشوفت اللون ده قبل كدة عليه...ههههههههه
» ادخلوا شوفوا بنات اليومين دول..!!..ههههههههه
» يا ريت جميع الاعضاء يشوفوا الاقتراح دة والموافق يحط رد ههههههههه
» دووولة...هي البورصة مرات البورص...ههههههههه،،، التفكير يا اخواني...!