فى مكتب _ _ وكيل اول نيابةالسيدة زينب وبحضور المفتش بعرور
وكاتب النيابة بدأ التحقيق
مكان الحدث _ محل سوبر ماركت مشهور اوى فى الزمالك
نبدأ التحقيق
وبعد اذن سيادة وكيل النيابة ممكن المفتش بعرور هو اللى يقوم بسؤال الشهود والمشتبه فيهم
نفتح المحضر
بتاريخ الاربعاء 29 ابريل الساعة التاسعة صباحا
من واقع التحقيق فقد تم سرقة المحل يوم الجمعة اللى فاتت الساعة 2 بالليل
وبأقوال المجنى عليه فقد تم سرقة مبلغ 50000 جنيه
وكان قد اغلق المحل فى الساعة الواحدة بالليل بعد ما قام برش المحل بمبيد حشرى
ليتخلص من الذباب
وقام باكتشاف السرقة احمد وقام بابلاغ صاحب المحل الذى قام بدوره بتبيلغ الشرطة
وبجهود كبيرة من المباحث تم القبض على اربعة من المشتبه فيهم
ادخل يابنى الشاهد
اسمك ايه
احمد ياباشا
قول لى ازاى انت اكتشفت الجريمة يامعروف
ياباشا انا كنت سهران فى السيبر بتاعى ولما جيت علشان اقفل حسيت بحركة مريبة فى السوبر ماركت اللى فى الشارع ولما رحت علشان أشوف فيه ايه لقيت واحد نزل وجرى بسرعة حاولت اجرى وراه بس مالحقتهوش
وكنت سهران فى السيبر لحد دلوقتى ليه يااحمد؟؟؟؟
أكل العيش ياباشا
أوكى يااحمد أخرج وسيب عنوانك برة يمكن نحتاجك
نادى على اول مشتبه به
اسمك ومهنتك
حسن ابراهيم ياباشا طال فى الفرقة الربعة فى كلية العلوم قسم كيمياء
كنت فيت الساعة 2 بالليل الجمعة اللى فاتت
كنت بذاكر مع جماعة اصحابى علشان كان علينا امتحان يوم السبت
انت قولت لى انك فى كيمياء ؟؟ صح
ايوة ياباشا
يعنى تعرف تصنع مركب كيميائى زى ماء النار
ايوة ياباشا
بس التحقيق اثبت انك مشيت من عند اصحابك الساعة وحدة ونص وان المحل اتفتح بواسطة تفوير لقفل بماء النار تفسر دة بايه
ياباشا انا روحت علشان انام بدرى وكمان مش معنى انى بعرف اصنع ماء النار انى سرقت المحل
اوكى اتفضل انت ياحسن
نادى على التانى
اسمك ومهنتك
محمود على كهربائى عربيات ياباشا
كنت فين الساعة اتنين الجمعة اللى فاتت
كنت سهران فى الورشة ياباشا
كنت عايز منك املى بطارية عربيتى
ماء النار خلصان من اسبوعين ياباشا
وايه الحروق اللى فى ايدك دى الطب الشرعى اثبت انها بماء النار وكانت يوم الجمعة اللى فاتت ثم ان مفيش ورشة تستغنى عن ماء النار اسبوعين بحالهم وكمان المعلم بتاعك بيقول انه ارسلك تجيب اكل الساعة وحدة وانك اتاخرت ساعة بحالها
ياباشا ماء النار ده استلفته من واحد صاحبى علشان خاطر عميل مهم اوى عندنا اما بالنسبة لموضوع الاكل انت عارف انك صعب تلاقى محل فاتح فى وقت زى ده علشان كدة انا اتاخرت على ماجبت الاكل
خلاص يامحمود
ممكن تمشى
نادى على التالت
الاسم والمهنة
حسين الدسوقى شغال على تكتك
انت بتشرب سجاير ياحسين
لا ياباشا
بس صاحب المحل بيقول انك كنت بتروح اخر الليل تشترى منه علبة سجاير وكمان انت الوحيد اللى صاحب المحل اتعرف عليك ضمن المشتبه فيهم
ياباشا انا بشترى السجاير دى لوالدى وممكن حضرتك تسأله
ابوك بيفضل صاحى لحد الساعة اتنين كل يوم
هو وراحته ياباشا
رد بأدب ياغبى انت
انا أسف ياباشا
خلاص امشى
نادى على الرابع
الاسم والمهنة
الزناتى ابراهيم فلاح ياباشا
ايه يازناتى مالك بتكح ليه سلامتك
عندى حساسية ياباشا
حساسية من ايه
من الرش ياباشا أصلى كنت برش الارض من حوالى أسبوع
كنت فين يوم الجمعة بالليل يازناتى ؟؟؟؟؟؟؟
كنت سهران فى فرح
بس الفرح خلص بدرى حوالى الساعة واحدة انت روحت فين بعدها؟؟؟
روحت علشان انام ياباشا
حد شافك
كلهم كانو نايمين ياباشا
تفسر بايه مبلغ الخمس الاف جنيه اللى لقينها فى دولابك
بتوع المحصول ياباشا
خلاص امشى يازناتى
انت ايه رأيك ياسيادة الوكيل فى اللغز دة
باين عليه صعب اوى يابعرور المشتبه فيهم كلهم اذكياء وكمان كلهم موضع شك
ياباشا اللغز سهل جدا وباين اوى
راجع أقوال المشتبه فيه وانت تعرف الجانى
انت عرفته يابعرور
طبعا عرفته
الجانى هو ......................................
طبعا مش هقول عليه
انتو شفتو كل اللى شافه بعرور وسمعتو كل اللى سمعه
واكيد هو مش اذكى منكم
يله راجعوا اللغز مرة واتنين وعشرة
واكتبوا الحل وأهم حاجة الدليل
انا مش عايز تخمين
ياترى مين هيكون شيرلوك هولمز؟؟؟؟؟؟؟؟؟؟
بعد الإجابه على اللغز عايزكم تقولوى أعمل ألغاز تانى ولا لا
