يلا نتعرف من خلال اسئلة عايزين جواب طالع من القلب

السلام عليكم ورحم الله وبركاتة

النهاردة جبتلكم شوية اسئلة جريئة وجميله في نفس الوقت علشان نتعرف كلنا

ياريت اللي يعرف نفسه كويس اوي وعارف ايه اللي جواها فعلا وقادر يحدد اهدافه

يدخل و يجاوب فورا

من انت ؟

صف نفسك بكلمتين فقط..!

ماهو الشئ الذي ندمت علي عمله؟!؟

كلمة تمنيت لو ان تستطيع سحبها؟!؟ جامد

آخر شخص تتذكرة قبل أن تنام؟!؟ جامد

جريمة تتمني لو تستطيع ارتكابها؟!؟ هاع

حمامة زاجل حاملة رسالة لك من من تتمنى ان تكون؟!؟
جامد

-شخص لطالما حلمت به؟!؟ جامد

موقف صدمك ولن تنساه؟!؟

شخص تتمني الإنتقام منه؟!؟ هاع

شئ او عمل لا تستطيع مسامحته؟!؟ لا يراجل ... والله

شئ او شخص غيّر مجري حياتك؟!؟

وجدت اجمل باقة ورد في الدنيا لمن تختار اهدائها؟ سامحني

حلم لا تستطيع تحقيقه؟!؟

-كلمة تود سماعها كل يوم؟!؟ جامد

القمر-الشمس-النجوم...........ايهم تفضلين والسبب؟!

في انتظاركم ردودوكم الحلوة بسرعة يا احلى اعضاء

ادخلوا جوة نفسكم وتعمقوا فيها اكيد هتطلعو بحاجات كتير

كل دهى اسئله GedO

مرح وعصبى

إشتريت علبة صواريخ بيزه ههههههههههه

السؤال التالت مينفعش أقوله

أختى

أعد فى النت 6 ساعات

أما ياخد عليا كتير

مش ها ينفع ا قول

مامتى

أسافر برا مصر

مقدرش اقولها

النجوم عشان بتمنع الشياطين من طلوع إلى السماء

ههههههههههههههههه مش هينفع تقول اية بس ؟؟
قول قول متنكسفش احنا كلنا اخواتك

اية يا جماعة احنا هنقضيها مش هينفع اقول ولا اية ؟؟؟!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا هطلب منكم طلب ياريت اللى يجى يجاوب يعمل كوبى وباست للسؤال ويجاوب علية علشان نعرف هو بيجاوب على اية بالظبط
________________________________________________________________________________________
جزاك الله كل خيرا angle of death على مروروك الرائع

يا جماعة محدش يجاوب كل إجابة برد كده مينفعش خالص

dreamssona2010 كتب:: من انت ؟
أنا محمد أشرف
صف نفسك بكلمتين فقط..!
لطيف - شجاع

ماهو الشئ الذي ندمت علي عمله؟!؟
إني فكرت أحب

كلمة تمنيت لو ان تستطيع سحبها؟!؟
كل كلمة وحشة ضد الدين من إلي بنسمعها في الشوارع دلوقتي

آخر شخص تتذكرة قبل أن تنام؟!؟
كل من أحبني و أحببته بجد

جريمة تتمني لو تستطيع ارتكابها؟!؟
أضرب كل من خانني و كرهني في حبي ليه وكل كداب

حمامة زاجل حاملة رسالة لك من من تتمنى ان تكون؟!؟
أتمني أن أكون مصمم مواقع و جرافكس جامد أوي في شركة كبيرة أو دكتور بس لسا مش عارف في إيه ممكن صيدلي .

-شخص لطالما حلمت به؟!؟
بحلم بأخر واحد بفكر فيه قبل ما أنام ممكن أعز إصحابي أنا عموما أحلامي مختلفه دايما

موقف صدمك ولن تنساه؟!؟
أنا هقول موقفي ده في جملة بسيطة { الحلم إلي بدايته بحبك تبأه نهايته وداع }

شخص تتمني الإنتقام منه؟!؟
كل من خانني و كرهني في حبي ليه وكل كداب

شئ او عمل لا تستطيع مسامحته؟!؟
الخيانة و الكدب وخصوصا في الحب معلش أنا رومانسي زيادة عن اللزوم بس إوعي تبأه زيي ده مش حلو خالص و إسأل مجرب ههههههههه

شئ او شخص غيّر مجري حياتك؟!؟
محدش لسه غير حياتي بس أنا بغير حياة ناس كتتييييير

وجدت اجمل باقة ورد في الدنيا لمن تختار اهدائها؟
لأعز أصحابي أكيد هوا عارف نفسه

حلم لا تستطيع تحقيقه؟!؟
لو هنقول في الرومانسية إلي أنا واجع دماغكم بيها ده هههههههه هتكون إجابتي : الحب الحقيقي
لو إجابة عامة هقول : تغيير العالم
لو إجابتي عن الصحاب : إني متخانقش خالص طول حياتي مع أعز إصحابي و ده صعب جدا لما تبدا الدراسة كل يوم نتخاصم ونتصالح

-كلمة تود سماعها كل يوم؟!؟
في الدراسة : ذاكر وخلي عندك دم هههههههههههههه

القمر-الشمس-النجوم...........ايهم تفضلين والسبب؟!
النجوم لإبعاد الشياطين كما قال ياسر

حلوة اجاباتك يا محمد اوى يارب كل اللى فى المنتدى يدخلوا ويجوبوا بصراحة زيك كدة

اخى محمد

يعلم الله كم المتنى كلماتك الحزينة... كلماتك التى تدل على انك جريح من الحب

والله انى ايضا اعانى منها ولاكن ليست فى الحب المقصود بعينة ولا كنة فى الحب فى الله سبحانة وتعالى

فهل تعلم كيف يكن شعورك عندما تحب صديق لك فى الله وليست مع الله

والله يكون الاحساس ابشع مما تتخيل حيناما يكون رد فعل هذا الشخص الذى احبتتة فى الله انة يتركك ويتخلى عنك فى محنتك وانت كنت ترسمة فى مخيلتك انة افضل صديق لك...

ولكن الحمد لله على كل حال.

لكنى دائما كنت اضع امامى تلك الاية كلما ضاقت بى الدنيا ...

(ولسوف يعطيك ربك فترضى).

فعندما يضيق بك الحال افرغ كل ما بداخلك بصلاتك

وابكى بقلبك الى الله ...

وتاكد ان الله سيجبر كسر قلبك ويرزقك باكثر مما تمنيت...

أسأل الله العلى العظيم أن يريح قلبك ويبدل حزنك سعاده وفرح عاجلا غير آجل

السلام عليكم ورحمة الله وبركاته...

أهلين أهلين فيكي أختي سونة - هادخل بالسوري بتاعي اهه هههههه -،،،بجد يا سونة لما رجعت النتدي تاني قلبي استريحلك من كلماتك العسولة زيك يا قمر،،،ان شاء الله هأدخل كتير بإذن الله وهنتعرف علي بعض اكتر،،،وانا الحمد لله اليفة ومابعضش هههههههه...

شكرا يا حبيبتي والله علي مواضيعك الجميلة،،،بس ليا عودة بإذن الله في الموضوع العسول ده ،،، بس بعد اطلاعة سريعة علي باقي الاقسام...

وجمعة مباركة عليكي حبيبتي،،، تحياتي....

تسلميلى خيتى على ها المرور الرائع ...هههههههه

احلى جمعة فى حياتى يا (لوليتا ) لانك موجودة هنا معيا فى المنتدى الجميل دة

ويارب يكون الموضوع عجبك وهتردى علية من جوة قلبك.

وان شاء الله احلى اصدقاء فى الدنيا (امـــــــــــــــــيــــــــــن).

وخدى بقى الهدية دى علشان رجوعك الجااااامد للمنتدى سامحني

معلشى هدية مش قد المقام ان شاء الله تتعوض.

كلامك ريحني يا سونا بجد

إنتي غريبة أوي بتقولي كلام بيعجبني أوي أنا مش بجملك علي فكرة لأ أنا بكلم بصراحة

ربنا يخليك يا محمد دة بس من زوقك والله....ويارب يهدينا كلنا ويدلنا على الطريق الصح

(امــــــــــــــــــــــــيـــــــــــن)

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اية يا لولو فين الاجابة؟؟؟؟؟

من انت ؟ انا اسمي يوسف مجدي الشبيني صح كده ولا ايه ههههه

صف نفسك بكلمتين فقط..! صدوق وامين

ماهو الشئ الذي ندمت علي عمله؟!؟

هي كانت حاجه عملتها و انا صغير بالصواريخ يعني بلاش احكي احسن ههههههه

كلمة تمنيت لو ان تستطيع سحبها؟!؟

اني قولت انا بكرهك لشخص عزيز عليا جدا و انا خسرت الشخص ده

آخر شخص تتذكرة قبل أن تنام؟!؟

والدي لانه مسافر الكويت بيشتغل هناك في رعايه الله و حفظه

جريمة تتمني لو تستطيع ارتكابها؟!؟

اقتل الاء و اخلص منها ههههههههههههههههه

حمامة زاجل حاملة رسالة لك من من تتمنى ان تكون؟!؟

من السيكرت بقي و انتوا عارفين ههههههه

-شخص لطالما حلمت به؟!؟

هوا انا مش فاهم السؤال ده اوي يعني يعني شخص انا بحبوا ولا شخص مثلا في فيلم و انا بحب الشخصيه دي ؟ يا ريت التوضيح

موقف صدمك ولن تنساه؟!؟

كنت في عيدميلاد واحد صاحبي اسموا حسين و اما كنا بنلعب كوره راح علشان يجيبها عربيه خبطته و وديناه المستشفي عمري ما هنسي اليوم ده مهما حصل

شخص تتمني الإنتقام منه؟!؟

اعتقد اني جاوبت علي السؤال ده قبل كده الاء ثم الاء ثم الاء ههههههههه

شئ او عمل لا تستطيع مسامحته؟!؟

اني اامن حد علي سر او حاجه و يروح يقول للناس عنها

شئ او شخص غيّر مجري حياتك؟!؟

سفر والدي للكويت غير حياتي تماما لقيت اني لازم اعتمد علي نفسي في حاجات كتير و اني لازم اتحمل المسؤوليه بجد

وجدت اجمل باقة ورد في الدنيا لمن تختار اهدائها؟

ههديها للي ربنا هيوفقني معاه هههههههههههه

حلم لا تستطيع تحقيقه؟!؟

اني اطير

-كلمة تود سماعها كل يوم؟!

ماما : نفسي مره اشوفك قاعد علي المكتب بتذاكر ههههههههههههههههههههه

القمر-الشمس-النجوم...........ايهم تفضلين والسبب؟!

انا هقول القمر لسبب

لان العلماء اثبتوا ان القمر مهم بينما الشمس ملهاش اي لزمه لييييه ؟

لان القمر بيطلع بليل ينوره

انما الشمس بتطلع بالصبح والدنيا نور هههههههههه

اتمني انكوا تكونوا عرفتوني اكتر

يوسف بك الشبيني هههههههههههه

وكالمعتاد،،،تجئ سعادة سموي - حفظها الله وأعانها وبارك لها - لترد في نزلها ،،، بكل غرور وإباء ...
هههههههههه...ايه رأيكم في الدخلة الجامدة دي،،،تحفة صح..؟؟

طبعا يا سوسو الموضوع مش محتاج كلام،،،أسئلة تحفة من غير مناقشة وجامدة جداً،،بس ياريت اعرف اتعمق في معاميع ذاتي المتقوقزة ههههههههه

يلا...بسم الله نبدأ...

من انت ؟

صف نفسك بكلمتين فقط..!
شخصية منفتحة ومنطلقة،،،ساعات ابقي شبه الحصان العربي في انه ما ينفعش يتربط بلجام،،،انا كدة،،ما اعرفش اعيش وانا متحجمة،،،او حد يفرض عليا اعمل ايه وما اعملش ايه،،،
وعلي فكرة انا شخصية مجنونة جدا وسايكو،،،ممكن تلاقوني باضحك بقهقهة وفجأة ممكن القعدة تقلب بغم هههههههه...احذروني وإياي ههههههه

ماهو الشئ الذي ندمت علي عمله؟!؟
ممممم...بصراحة حاجات كتير بأندم اني عملتها،،،بس ربنا بيعوضني فيها خير وبيثبتلي ان اختياراتي - والحمد له - صح...مش دايماً يعني ههههههه

كلمة تمنيت لو ان تستطيع سحبها؟!؟
وعدي لنفسي - قبل ماما وبابا - اني اخس،،،عملت حاجات كتير جدا عشان اخس وكنت بأخس فعلاً،،،بس تلاقوني مرة واحدة ضربت ورجعت ازيد مما كنت عليه...اهئ اهئ اهئ
ده حتي محمد واحسان كل مايقابلوني يلاقوا كيس السيبسي في ناحية والكانز في ناحية تانية،،،ده غير اللي بيبقي في الشنطة - ثوكلاطاط بقي وحاجات ههههههههه عز يا جماعة عز هههههههههه

آخر شخص تتذكرة قبل أن تنام؟!؟
بصراحة انا ،،، بس مش انا بالتحديد لأ،،،قبل ما انام بأحاسب نفسي علي انا عملته في اليوم ده،،،عملت واجباتي ولا ناقصة،،،ذاكرت اد ايه،،،اتفرجت علي التليفزيون اد ايه،،،اسأت لحد بكلام او بأفعال...كدة يعني...
اما بعد كدة الشخص التاني اللي بأفتكره .... ممممم secret"" ew3a teften ya Mohamed hahahahaha

جريمة تتمني لو تستطيع ارتكابها؟!؟
أقتل نفسي وبعدين اقتل اخويا هههههههه،،،لا والله ربنا ما يجيب جرايم،،،غير ان الواحد بس بقي يشيل اليومين دول مطواة وماية نار ومدفع رشاش ودبابة جوة شنطته،،،يبقي مفيش جرايم والحمد لله هههههههه

حمامة زاجل حاملة رسالة لك من من تتمنى ان تكون؟!؟
من اللي بحبهم ومسافرين بعيد عني وواحشني،،،

-شخص لطالما حلمت به؟!؟
.......Secret ههههههههه

موقف صدمك ولن تنساه؟!؟
موقف وحش جداً حصلي في درس الرياضة السنة اللي فاتت،،،واسفة اني مااقدرش اقوله بجد ذكراه بتعصبني...

شخص تتمني الإنتقام منه؟!؟
لأ شخص معين ماتلاقيش،،،رغم اني اتخدعت كتير من ناس كنت - للأسف - فاكراهم اعز صحابي،،،بس للأسف هم اول ناس باعوني...
بس اللي انا عايزة بجد انسفهم من علي وش الارض الصهاينة - واليهود كمان -،،،بجد الناس دول حاجة وحشة جداً وفظيعة لأقصي درجة،،،واللي انا عايزة اقوله ان مش كل يهودي صهيوني،،،ومش كل الصهاينة يهود،،،الصهاينة دول حوالينا في كل مكان،،،من يتسموا باخبث الصفات التي اوجدها الله في ارضه ماهو الا صهيوني اثيم...

شئ او عمل لا تستطيع مسامحته؟!؟
أي حاجة تؤذيني او تؤذي غيري ما اعرفش اسامح اللي اتسبب فيها،،،نفاق كذب خيانة نميمة طعن في الظهر عدم احترام الشخص في غيابه التشكيك فيه ترويج اشاعات حقيرة عليه،،،كل ده عمري ما اسامح عليه بسهولة،،،ولو سامحت معاملتي بتبقي في الاخر مش زي الاول،،،عشان بيبقي فيه حاجات اتكسرت فيا تجاه الشخص ده،،،حاجات زي الثقة والشعور بالامان من ناحيته ضاعت ومش ممكن ترجع تاني...

شئ او شخص غيّر مجري حياتك؟!؟
الشئ - شيئان بالظبط -...will and admiration" love

وجدت اجمل باقة ورد في الدنيا لمن تختار اهدائها؟
ماما العسولة،،،ربنا يخليها لي احلي كراميلا في الدنيا....

حلم لا تستطيع تحقيقه؟!؟
اني اخس هههههههه،،،وطبعا بالمرة اني ابقي رئيسة تحرير الدستور،،،او سفيرة في كوريا الجنوبية - عشان ابوظ علاقتنا بيهم هناك ههههههه -،،، او ابقي صاحبة اكبر شركات في الشرق الاوسط المنتجة لأي حاجة...بس كدة كفاية هابقي اطغتي بليل وانا نايمة ههههههههه

-كلمة تود سماعها كل يوم؟!؟
قلبي وربي راضيين عليكي ليوم الدين يا حبيبتي - حبيبتي دي بالذات مهمة هههههههههه -

القمر-الشمس-النجوم...........ايهم تفضلين والسبب؟!

القمر,,,عشان بينورلنا بليل،،،لكن الشمس بتيجي بالنهار والدنيا نور،،، فأحبها ليه هههههههههه
لأ بجد القمر،،،عشان بحب أتأمله وأسرح فيه اوي خصوصا في الصيف والدنيا ضلمة عااااااوووووو ههههههه

وشكرا يا سنسن سا كميلة علي الموضوع الجميل،،،ايوة كدة عايزين الحاجات الجامدة تدخلنا من زمان ما شوفناش الجمال ده...أوكيش..؟؟

» عايزين تفاعل
» كلمات من القلب
» إليك أيها القلب المزيف إليك يا من تركتني أعاني آهاتي وأتألم من وحدتي إليك يا من شغلتني بتلك الكذبه السوداء إليك أيها الجاني..

**يلا نتعرف من خلال اسئلة ** عايزين جواب طالع من القلب

يلا نتعرف من خلال اسئلة عايزين جواب طالع من القلب