والله العظيم هقول الحق...!!

والله العظيم اقول الحق

وحياة اغلى حاجة عندى انا هقول الصراحة

وبعد اما حلفت يلا جاوب بصراحة

:dOWn: :dOWn: :dOWn:

1-هل انت تفعل ما تقوله هنا بالمنتدى ؟

2-اعتذار تريد ان تقدمه لمن؟

3-ما هى مواصفات (فتى _فتاة )احلامك؟

4-ماذا ستكتب لنا لتعبر عن حياتك التي عشتها الى الان في كلمات قليله ؟

5-اذا اردت ان تبكي الان , فعلى من تبكي؟

6-من ستختار ليمسح دموعك ؟

7-لو خيروك بين حبيبك وبين اعز صديق فمن تختار ؟

8-ماهو تقييمك لهذا المنتدى بصراحه ؟

9-من يسكن قلبك؟

10-هل تعتقد ان حظك سيئ؟

11-هل رنغمة موبايل الشخص تعطيك انطباع عنة ؟

12-هل هزمك حزنك في يوما من الايام؟

13-((مستحيل انساك)) لمن تقولها ؟

14-((اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

15-((انت كل شيء بحياتي )) لمن تقولها ؟

16-متى اخر مره بكيت؟

17-اي الدول تتمنى ان تزورها ؟

18-هل لديك نصيحة لى ؟

19-هل انت راضي عن نفسك ؟

20-بماذا تقر وتعترف أمامنا الان ؟

21-اغمض عينيك دقيقه لو سمحت, ماذا خطر على بالك وانت مغمض العينين ؟

22-هل تؤيد الزواج العاطفي ام الزواج التقليدي ؟ ولماذا ؟

23-ايهما اهم شهادتك الجامعيه أم الزواج ممن تحب ؟

24-هل من الممكن ان تتحول الصداقه الى حب ؟

25-هل تعترف بشيء اسمه الصداقه بين البنت والولد؟

26-هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

27-هل انت مدمن تفكير؟

28-من هو اكثر شخص تفكر فيه؟

29-اذا تم تعيينك ملكا لجميع البلاد العربيه فما اول قرار ستتخذه ؟

30-هل تكره شخص بشده في حياتك ؟

31-ما هو اقتراحك الذي تتمنى ان يحدث في هذا المنتدى ولم يحدث الى الان ؟

32-هل ملابس الشخص امامك تؤثر فيك لتأخذ عنه انطباع ؟؟

33-ماالذي يلفت انتباهك بسرعه في الشخص لكي تعجب به ؟

34-اذا احببت شخصا في الوقت الخطأ وفي المكان الخطأ فماذا تفعل ؟؟

35-حكمة تؤمن بها جدا؟؟

36-عاده تفعلها دائما تتمنى ان تتركها ؟

37-ماهو اجمل اسم لولد واجمل اسم لبنت من وجهة نظرك؟

38-ماذا تفعل اول شيء اذا ربحت مليون جنية او ملاين الجنيهات علشان منبقاش طماعين؟

39-هل انت من لديهم رغبة حب التملك واذا تملك الشيء اصابه الملل منه ؟

40-مارأيك في هذا الموضوع بصراحه ؟

معلش يا جماعة دى حاجة تعويضية كدة عقبال اما كرسى الاعتراف يتفتح

يا لهوي دي اسئله كتير اوي دي عايزلها قاعده

هجاوب بعدين انا نازل دلوقتي

انا رايح عيد ميلاد اميره بنت عمي ههههههههه

ابقي قوليلها كل سنه و انتي طيبه يا احسان

بس متقوليلهاش مين الي قالك اوك ؟

ماشى ماشى ابقى اديها الهدية دى عقبال اما اشوفها الندلة دى ..ههههههه سامحني

بس اوعى تزوغ من الاسئلة

'طيب اوك

سلام دلوقتي

سلاموزز يا احلي لوز...الله يا ست ههههههههههه

ايه الاسئلة الجامدة دي،،،والله حلوة اوي وانا بجهزلها دلوكيت،،،بس بأرد احجز مكاني علي الكرسي،،،عقبال ما البس البيجاماز وامسح الهباب اللي انا حاططاه علي وشي - السبانش واجعلي شعري اوي اه هههههههههه -...

نفسي ابعتلي صورتي يا سوسو وانا بالفسطان،،،بجد شكلي كان مسخرة ههههههههه,,,استني رسالة علي الخاص OK???

اوكى انا اصاصن هموت واشوفك بالفسطان..هههههههه

اكيد زى القمر يا عسل ..ومش عارفة انا اية السبانش اللى البنات بتعملها دى اختى كانت عملاها كانت حطة فيها 99,2 دبوس ههههههههه

لا وتحسى انك عندك حول فى رقبتك كدة .هههههههه

هههههههه...اه والله مش كدة،،،وياسلام بقي لو حد شد الطرحة ياااااااا،،،الفروة تتخلع من الشعر كدة زي النجفة من الضفيرة ههههههههه

ايه اللي انا بقوله ده،،،والله انا شكلي خرفت علي المسا هههههههه

معلش سوري يا جماعه

انا شايف كل الي بيلبوا السبانش دول لو مؤاخزه في الكلمه " خرفااااااان "

ايه يعني مركبالي مكروباس في الطرحه الي هيا لابساها يعني ولاايه

و علي فكره يا جماعه السبانش ده من علامات يوم القيامه الصغري حاولوا تبطلوها

اصل كميه الاسئله الي موجوده كتيره اوي

يعني ياريت نختار كده كام سؤال محرج نجاوب عليه ههههههههه

ياريت نتفق علي يوم نبقي كلنا موجودين فيه في المنتدي اوك ؟

اوكى ..انا هتفق مع الاء واقولك

بس الاسئلة كتير بس سهلة والله حاول يعنى مش لازم ترغى كتير فى السؤال يعنى ..هههههههه

سنسن،،،عشان الاسئلة تكفي الاجوبة - او العكس يعني ماعلينا -،،هجاوب 5 اسئلة في كل مرة ... أوكيش..

يلا... بسم الله نبدأ...

1-هل انت تفعل ما تقوله هنا بالمنتدى ؟
اكيد لأ طبعا،،،مش معقول طبعا هاطاوع يوسف واسلم نفسي لادمان الحاجات الوحشة دي لالالالا،،،انا ليا في الفودكا،،الشمبانيا كدة،،هي دي الحاجات اللي نقول عليها بتبسط بجد هههههههه

لأ بجد أكيد اللي بقوله باكون فعلا باعمله،،والا ماكانش ليها داعي ابدا اني اقولها،،،انا عارفة حاجة واحدة،،الكدب والفشر مالوش رجلين،،ومهما كدبت ومهما خططت وتكتكت وعملت البدع عشان تكدب،،،برضه كدبتك ربنا بيكشفها،،،وبكدة تكون خسرت دينك وثقة الله فيك ورضاه عنك،،،وثقة الناس فيك ورضاهم عنك،،وثقتك فيك ورضاك عن نفسك...

2-اعتذار تريد ان تقدمه لمن؟
لكل اللي جرحته في يوم بقصد او من غير قصد،،،

3-ما هى مواصفات (فتى _فتاة )احلامك؟
طبعا كلها اتحددت من زماااان - خلاص لقيته في حاجة هههههههه -،،،ومن جد وجد ومن زرع جزر...

4-ماذا ستكتب لنا لتعبر عن حياتك التي عشتها الى الان في كلمات قليله ؟
طفولة جامحة،،لم احلم لأن احظي بمثلها قط...رزق جميل ورضا كبير قد من الله بهما علي،،،بما في كل حياتي من احداث جزلة ومشاهد حزينة،،اوقات عصيبة ولحظات لا تعوض...

5-اذا اردت ان تبكي الان , فعلى من تبكي؟
قلبي...

الف سلامة على قلبك يا لولو ان شالله اللى يكرهوكى

وانا موافقة على اقتراحك لان كمية الاسئلة كتييييير جدا بس اعمل اية اللى لاقيتة

واجبتك جامدة يا قمر

ربنا يخليكي والله يا نوسنوس ،،، ده احنا اللي عايزين نشوف اجاباتك يا نوننة...انا متأكدة والله انها هتبقي جامدة جدي،،

سي ثانك كويستيون...سوري لغتي فرنساوي هههههههه

يلا،،بسم الله نبدأ...

6-من ستختار ليمسح دموعك ؟
مروة أختي،،،اكتر واحدة مصاحباها في حياتي،،،عمري ما اخبي عليها حاجة،،،ولما اكون غلطانة بتقولي انتي غلطانة،،،ولما اكون زعلانة بتبقي هي الحضن اللي باجري اعيط جواه،،،دي حتي كمان عارفة السيكريت بتاعي هههههههههه،،،
بس اليومين دول دماغنا بقت ضاربة ليه مش عارفة،،،مابقتش هي مروة ولا انا الاء،،،تحسي ان احنا كبرنا كدة وما بقناش محتاجين لبعض...ممممم يمكن ملل او زهق مش عارفة والله...

7-لو خيروك بين حبيبك وبين اعز صديق فمن تختار ؟
بصراحة الخيارين صعبين اوي،،،اعز صديق ما بنلاقيهوش بسهولة،،،والحبيب المخلص برضه تبقي معجزة لول لقيناه،،،فأنا افضل اني " ما اختارش حاجة واختار الشوكلاتة هههههههه "...

8-ماهو تقييمك لهذا المنتدى بصراحه ؟
ممتاز جدا،،،هو بصراحة عايز شوية اعضاء وهيبقي جامد جدي...بس بصراحة الاعضاء هم اللي محليونه " واخد بالك انت يا يوسف انا باتكلمش عليك طبعا هههههههه"

9-من يسكن قلبك؟
مممممم...كل اللي اعرفهم ساكنين قلبي من جوة،،،بس طبعا اولهم ماما وبابا " والسوكياتة والسيبسي " ههههههههه

هل تعتقد ان حظك سيئ؟؟
مفيش حاجة اسمها حظ،،،بس ده قدر ،،،وده نصيب وما حدش بياخد كل حاجة...

استلم بقي يا معلم الشحنة التانية،،،احنا بنحمل دلوقتي الشحنة التالتة هههههههه

لاء يا الاء انا غير قابلة للجواب على الاسئلة دى ..ههههههههههه

وبعدين والله مهما عملت عمرى ما هتكون اجابتى جامدة زى اجابتك دى يا حبيبة فالبى

وربنا يخايكى انتى ومروة لبعض والله يا الاء انا بردو اختى اقرب حد منى بس كل مشاكلنا ابتدت من اول يوم العيد

انا علشان المنتدى وهى علشان الفيس بوك ..ههههههههههه..لعب عيال بقى

وانا اقعدلها واقلدلها سارة ..ابحدى حنى بقى يعنى انتى مس بتيكى الا وكل صاحباتى قحدين يا وحسة

هههههههههههههههههه

ايه يا تانت الكلام ده،،،هتطولي علينا ولا ايه يا سنسن هههههههههه

بس هي سارة مش اكبر منك،،، هم كدة الكبار عشان الفيس يتجننوا ويعملوا اي حاجة ههههههه

ههههههههههههههههههه

اة والله بيتهطلوا يا الاء

ابعد عنا يارب ..خخخخخخ

هههههههه،،،يا خفي الالطاف،،،نجينا مما نخاف...ويا حلوة يا بلحة يا مقمعة،،،شرفتي اخواتك الاربعة..ههههههههههه

عارفين يا جماعة كان حلم حياتى ان انا يبقى ليا اخ ولد..بس من اللى بيتعمل فى صوحابى من اخواتهم تراجعت ..هههههههههه

بس لوكان ليا اخ كنت هسمية (تامر _مصطفى )علشان يبقى شخصية معروفة كدة هههههههههههههه

وانا اقول انا اخت تامر حسنى او اخت مصطفى حسنى ..يااااااة يااااااااااة يااااااة ..احلام اليقظة دى ..هههههههه

ايه انتي اسمك احسان حسني...؟؟؟ ههههههههه والله الاسم حلو اوي ولايق علي بعضه...

امال لو عرفتي الباقي هههههههههههههه

ايه،،اوعي يكون عبدالمحسن حسين ههههههههههه،،،والله اسمك كيوت يا احسان وعريق كدة،،،لكن الاء شوقي ايه الاسم ده،،هههههههه تحسي ان مالوش طعم كدة،،،انا اي حاجة بالنسبة لي لازم يبقي ليها طعم هههههههه

هههههههههههههههههه..

طبعا مهو علشان كدة انتى بتشتغلى طباخة ..كركركركر

هههههههههه..لا هبقى اقولك ..علشان بس اسمى موسيقى محدش يحسدة ..هههههههه

ههههههههههههه امال بقي لو عرفتوا اسمي هتعملوا ايه ههههههه

اتاكدوا ان انتوا فاضيين بس اوك

يعني من 5 دقايق لي نص ساعه كده هههههههه

انا اسمي : يوسف مجدي حسن محمد حسن عمر منصور الشبيني

يا لهوى كل دة اسم

انت حفظتة ازاى الاسم دة

اكيد اما كنت صغير مكنوش بيردضوا يقولولك على اسمك على عشان متتلغبطش ..ههههههههه

يا نصابين انتوا مجوبتوش على الاسئلة لية يا وحشين..اهئ اهئ اهئ

والله الاسئلة كتير بس سهلة جدا جدا

» أيها العظيم..إحترس!!
» يا سبحان الله العظيم.... فعلا اذا اراد شيئا فيقول له كن فيكون....!
» والله ماشوفت اللون ده قبل كدة عليه...ههههههههه