هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: حملة (هنتغير بجد ).... للشباب والفتيات.....! الثلاثاء نوفمبر 03, 2009 12:56 pm
تذكير بمساهمة فاتح الموضوع :
السلام عليكم ورحمة الله وبركاته
بعد الحمد لله والصلاة على الحبيب المجتبى
ثم اما بعد؛
حملة
(هنتغير بجد)
للشباب
&
الفتايات
هدفها من اسمها هنتغير بجد
سياستها" تحبيب الشباب فى الاسلام"
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ... __________
الحلقة الاولى
(المقدمة)
+السلام عليكمأخي/أختي
=وعليكم السلام أختي ألاء
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفوا على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته
الى اللقاء فى الحلقة التانيه
مع
حملة
(هنتغير بجد).......
كاتب الموضوع
رسالة
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 12:54 pm
بسم الله الرحمن الرحيم...
اولا يا ابراهيم لازم تعرف ان الام الشخص الوحيد""الوحيد"" اللي لازم نبوس رجليها،،اللي مجرد ما تنادي نجريلها نمثل بين ايديها نقولها:اؤمرينا يا ست الكل،،اؤمرينا يا نور عيونا،،اؤمرينا يا ست الحبايب... مجرد انك بتقولها قول حسن يبقي انت كسبت الدنيا وما عليها،،لما تستمر في طاعتها - في الخير - يبقي انت مالك الدنيا وسواها،،لما تقولها:حاضر من عنيا،،هاتي ايديك ابوسها يا قرة عيني يا قلبي يا روحي،،انا ما بقولكش تنافقها،،بس علاقة الام مع ولادها لازم تبقي كدة واكتر،،والام بتبقي محتاجة ده حتي لو ماقالتش،،،وخصوصا من الولد،،لانها بتتعب اكتر بكتير في تربيته اكتر من بنتها،،وانا والله عارفة وشوفت الكلام ده وعايشته...
وبعدين هي بتقولك تعمل حاجة حرام،،مجرد انها تقولك تذاكر:حاضر يا امي من عني،،بس هاخلص حاجة بس علي الكمبيوتر او هاخلص الكتاب في 10 دقليق بالكتير واقوم يا ست الكل..
بالرااااحة//بالهدوووء،،خليك في قمة الادب خصوصا وانت بتوجه كلامك لمامتك،،تمالك اعصابك ولو حتي قعدت تزعقلك،،ده كله لمصلحتك ولو مش مقتنع جرب،،في عز ما هي غضبانة خدها من ايدها وبوسها او بوس راسها وقولها:انا اسف،،جرب وشوف وهتعرف ان ماحدش هيخاف بعد ربنا عليك غير والدتك الدرة الغالية...
اللهم انت ربي سبحااانك اني كنت من الظالمين،،اللهم اغفر لنا وارحمنا وتب علينا وارضِ عنا و اغفر لوالدينا وارحمهما واحشرهما مع رسولك الكريم ومن اتبعه من الصحابة الصالحين المصلحين... اللهم امين اللهم امين اللهم امين...
اتمني ان رسالتي تكون وصلت،،ويارب اكون قدرت افيد.. وعلي الله قصد السبيل...
H I M A A عضو خارق
هوايتي : بشتغل: : المزاج : البلد : الأوسمة : الجنس :
عدد المساهمات : 753 تاريخ التسجيل : 13/03/2011 العمر : 28
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 12:57 pm
حاضر يا الاء انا هعمل كده........ بس هو انتى و احسان ايه ولا دى بئى يا الاء انا الكبير برده يعنى بس مئبوله من اخت كبيره برده اولى زى منتى عايزه تئولى مهو انتى الكبيره برده و لازم نسمع الكلام
مشكووووووووووووووور للنصيحه
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 1:07 pm
العفو يا ابراهيم...من لم يشكر الناس لم يشكر الله،،وعلي الله قصد السبيل..!!!
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 1:12 pm
حملة هنتغيــر بجـــد يقدمة لكم قائد الحملة / محمد عيـد
=مالى ايه بس الدنيا كلها مقلوبه معايا كل حاجه عاوزها بيحصل عكسها وعملت كل حاجه وبرضه مفيش اى فايده روحت لربنا دعيت له ومفيش فايده حاولت اتأقلم مع الدنيا كده برضه مفيش فايده اخدت بكل الاسباب ومفيش اى نتيجه طيب اقولك على حاجه
+ اتفضل ...
= ان حاولت انتحر وفكرت فى الانتحار كذا مره اكيد ربنا عالم بحالى وهيسامحنى لان مفيش فايده خلاااااااااااااص اتخنقت صدقنى ربنا هيعذرنى وهيسامحنى انت ساكت ليه ما تنطق انا مش ناقص انت جاى تتفرج عليا يعنى
+ انا عذرك انك مخنوق جامد واكيد الدنيا مقلوبه معاك اكيد لكذا سبب ممكن واحد بيسمعنا دلوقتى حبيبته سابته وواحد تانى محدش حاسس بيه ولا بمشاكله وواحد تالت مش حاسس بقيمه حياته يعنى مالهاش لازمة واحد رابع شايف الدنيا سودا قدامه وواحد خامس شايف الفشل فى كل حياته او فشل فى حاجه معينه وغيره عنده شخص بيحبه جدا جدا وكان مالى كل حياته مات واحد غيره عنده مشاكل بالهبل مهما تكون المشاكل واكيد عمل كل الاسباب علشان ما يعملش خطوه غبيه زى دى واكيد راح لربنا واخد بكل الاسباب فى نظره ولكن المشكله كلها فى نقطه معينه هى اننا خلينا ربنا حبيبنا وسيله نستعين بيها من ضمن الوسائل ولكن المفروض نخليه هو الوسيله نفسها
=ازاى يعنى ؟؟ مش فاهم
+بص كده على ايدك هتلاقيها خمس صوابع انت لما شيلت الكيسه التقيله اوى دى شلتها على صوباع واحد ولما وجعك وما قدرتش تكمل بيه بدلت على الصوباع التانى وكده ولكن المفروض انك تعتمد فى انك تشيل الكيسه على ايدك نفسها وبكده مش هتحس بأى الم
= معلش برضه مش فاهم اوى
+ بص كده ولله المثل الاعلى ولكن علشان اوصل لك المعلومه انت خليت ربنا بمثابه صوباع من ضمن الصوابع بتاعه لما حسيت انك مش هتقدر تكمل بدلت على صوباع تانى يعنى خليت ربنا ضمن اسباب الحل ولكن المفروض تخليه الوسيله نفسها اللى تستعين بيها يعنى الايد اللى تتشال عليها وتشيل عليها همومه فى المثال اللى قولناه
= طيب ما انا روحت له ودعيت له ومفيش اى نتيجه
+بص كده انت عملت ذنوب فى حياتك؟
= طبعا وذنوب بالهبل كمان
+طيب اكيد منها ذنوب تقيله اوى اوى وممكن كمان الذنوب التقيله دى تكون سبب فى عدم دخولك الجنه ومهما تستغفر مفيش نتيجه فربنا علشان بيحبك يبعت لك الابتلاء الجامد اوى ده علشان يشلها عنك وبكده تبقى نضيف جدا انضف من الصينى بعد غيسله
= طيب مين اللى قال لك ؟
+ اللى الى هو اللى قال لك حبيبك النبى صلى الله عليه وسلم (ما يصيب المسلم من هم ولا غم ولا وصب ولا نصب ولا الشوكه يشاكها الا كفر الله بها خطاياه ) صدقت يا حبيبى تخيل انه قال المسلم يعنى الموضوع مش محتاج ايمان زايد او حاجه القضيه كلها انك تكون فاهم الموضوع تخيل لما تلعب كوره وبلغه الشباب تهنج شويه من التعب تخيل ان ربنا بيكفر لك بالتعب ده ذنوبك ولما تتعب ربنا بيكفر عنك ذنوبك لما شويه هم زى اللى انت فيه ده كل ده تكفير للذنوب وكل لما يشد جامد فى الهم كل لما ذنوبك تتغفر لك يبقى انت يا دماغ تمشى عكس الاتجاه يبقى ربنا يغفر لك ذنوبك وانت مش حاسس علشان تختم عمرك وانت نضيف وتكمله نضيف تيجى انت تهد كل حاجه وتموت نفسك كافر يعنى ولا شفت ابيض ولا غيره كل اللى عملتوا خير راااااااااح يا حبيبى راح لان الاعمال بالخواتيم ومن مات على شئ بعث عليه وانت حضرتك عاوز تموت نفسك كافر هتبعث على ايه تخيل حتى مش هتنول شرف انك تبقى مع الجروب الجامد والاكبر بتاع المسلمين اللى النبى هيشفع ليهم
= يا عم الحاج بقولك ربنا زعلان منى بدليل اللى انا فيه ؟
+ ياباشا لو ربنا كارهك وزعلان منك اوى كده ما كانش ابتلاك
= نعم !!!
+اه ما كانش ابتلاك وربنا عز وجل قال ونبلوكم بالشر والخير فتنة وإلينا ترجعون)) لو انت لحظت فى الاية هتلاقى ربنا قال الشــر قبل الخيــر معنى كده ان البلاء ديماً بيجى مع الشـر وبرده كان سابك على حالك علشان ترفع شعار انى اتنفس تحت الماء انى اغرق اغرق اغرق وتوهم نفسك انك بتعرف تعوم وانك صح لحد ما تغرق بجد وساعتها يبقى كل شئ بالسلامه ميت وانت غرقان فى شهواتك ومش حاسس بالدنيا واثبت لك كلامى مش فى ناس لما بيعصوا بيحسوا بلذه ومتعه جامده وبعد كده يعصوا اكتر ويجى يقولك انا عملت وخليت وسويت مثلا تلاقيه يقولك انا نمت مع البنت الفلانيه وشربت سجاير وعملت وخليت وهو ولا حاسس بأى ذره ندم هل ده معناه انه صح وان هى دى الحياه الصح
=طبعا لاء غلط وغلط جدا كمان بس هو مش حاسس بحاجه وعمال يغرق يغرق
+وعلى العكس تلاقى واحد عمل معصيه انه مثلا موقف معين لم يغض بصره فيه ويحس بندم ساعتها هل معنى كده انه غلط لانه بيحس بندم
= طبعا لاء ده ربنا بيحبه وعاوزه يفوق وما يعملش كده تانى
+طيب مش ملاحظ حاجه من اللك ده كله مش ملاحظ انك حاسس ان الدنيا مقلوبه تاما فى وشك وحاسس بغم الدنيا والاخره
=مش واخد بالى ...
+يا راجل .. مش حاسس ان ربنا عاوز يفوقك
=بس مش بالطريقه دى
+ يا اخى وحد الله (لا يُسْأَلُ عَمَّا يَفْعَلُ وَهُمْ يُسْأَلُونَ) وربنا قال برضه (وما اصابكم من مصيبه فبما كسبت ايديكم ويعفوا عن كثيير ) شايف ويعفوا عن كثير سامحك كتييييييييييييير اوى وانت ولا انت حاسس وبعدين ربنا فوقك كتيير اوى وانت مش بتحس او تتأثر وترجع تانى لما قريبك مات اتأثرت شويه ورجعت تانى ربنا حب يفوقك ومليون فى الميه الطريق دى هى اللى هتفوق بيها ( ونفس وما سواها ) هو اللى اعلم بحالك منك وربنا حببنا عز وجل قال ( ولا تقتلوا أنفسكم إن الله كان بكم رحيما ) اذا الى انت فيه ده رحمة من ربنـا وربنا قال ولاتقتلوا انفسكم بس يعنى محددش سبب الأنتحر وغير كده لازم تحس بقيمة نفسك انك ضعيييييييييييييف وطبيعى جدا الضعيف يروح للقوى يلا بقى روح له بجد لانه هو الوسيله الوحيده روح له وانت متأكد انه استحاله يخذلك بس هو عاوز يحسسك انك ديما محتاجله وعاوز يسمع منك كلمه ياااااااااارب
=والله قولتها
+انا عارف انك قولتها بس قولتها زى ما قولنا وانت من جواك حاطط ربنا سبب لازم اروح له علشان يحل المشكله مش علشان يسامحك ولو المشكله ما اتحلتش يبقى تشوف غيره وما تروحش تانى لاء روح لربنا وقوله ياااااااااااااارب انا بستغيث بيك انا بستنجد بيك ولو ما فرجتش همى مش هروح لحد غيرك علشان بحبك وعارف انى رايح لحبيب قلبى ومعنى انك تبتلينى انك بتحبنى وعاوزنى ارجع واتوب علشان نفسى وادينى رجعت ومش همشى من عندك اللى لما تسامحنى قوله كده بحبك يااااااااااااااارب ومش هروح لحد غيرك علشان بحبك وبعدين تخيل واحد كل الناس واقفه ضده وبتعارضه وبيشتموه وبينطرد من اى مكان يروحه والناس عمالين يحدفوه بالطوب الا ناس قليله جدا هما اللى بيقولوله كمل انت صح ولكن قليلين جدا ومش قادرين يعملوا حاجه همه الاول والاخير مش ان البلاء ده يروح اد ما ان ربنا يرضى عنه
= ايه ده للدرجه دى ده حتى البهدله اللى اتعرض ليها تهد اى واحد
+و صبر لانه فاهم حياته صح لانه شخص اللى بيتحكم فيه عقله وقلبه مش شهوته مش شيطان تخيل لما يدعى يقول ايه
= ايه ؟
+ فيما معناه يا انا جيت لك اشكى لك على اللى حصل فيا والضعف اللى انا فيه وانى مش قادر اعمل حاجه بدونك ومش قادر اعمل حاجه مع الناس انا جيت لك علشان انت ربى وحبيبى ورب الناس الضعفاء اللى زيى لو ده غضب منك عليا حقك يارب ولكن عفوك وعافيتك اوسع من غضبك ولكن اعوذ بك من ان غضبك ينزل عليا وبرضه انا قوتى وحياتى بيك عارف ده مين ؟؟
= مين ؟؟
+ده حبيبك النبى اللهم اني اشكو اليك ضعف قوتي وقلة حيلتي وهواني على الناس ، انت رب المستضعفين وانت ربي لا اله الا انت ، الى من تكلني ؟ الى قريب يتجهمني ، ام الى عدو ملكته امري ، ان لم يكن بك سخط علي فلا ابالي غير ان عافيتك هي اوسع لي ، اعوذ بنور وجهك الكريم ، الذي اضاءت له السموات والأرض وأشرقت له الظلمات ، وصلح عليه امر الدنيا والآخرة من أن يحل علي غضبك او ينزل علي سخطك لك العتبى حتى ترضى ولا حول ولا قوة لنا الا بك
=يااااااااااااااااااه حتى النبى بيتعرض للابتلاءات
+وبيصبر = عندك حق
+وربنا قال (فعسى ان تكرهوا شيئا وتجدوا فيه خيرا كثيرا ) وغير كده اللى انت فيه ده اما جون او مش جون مفيش Off Side يعنى اما يأس واحباط وعدم ثقه وممكن كمان توصل لعدم ثقه بالله او العكس (ان الله يحب الصابرين) لو انت زكي تكسب حب ربنا ليك
= فعلا انا محتاج حب ربنا ليه اوووى وهشيل من دماغى وساوس الشيطان الحمد لله الحمد لله الذي عافانا مما ابتلى كثيرا من خلقه وفضلنا تفضيلا اللهم لك الحمد والشكر كماينبغي لجلا وجهك وعظيم سلطانك
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 1:16 pm
هان عليك..؟؟؟!!!
حلقة مؤثرة للغاية للشيخ حازم شومان،،والله من اول بدايتها ما توقف قلبي عن الخفقان،،تتحدث عن التقصير الواضح والمخجل مننا في حق الله وحق حبيب الله - صلوات ربي وسلامه عليه -
للمشاهدة...
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء مارس 30, 2011 1:20 pm
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأحد أبريل 03, 2011 1:14 pm
فائدة...
إذا كنت تريد الجنـة ...
فالزم الصـــــــــــــــلاة
إذا كنت تريد الغنـى ...
فالزم الاستغفـــــــــــــار
إذا كنت تريد المهابـة ...
فالزم قيام الليـــــــــــل
إذا كنت تريد المحبـة ...
فالزم الابتسامـــــــــــة
إذا كنت تريد السعـادة ...
فالزم القــــــــــــــــــــــــــرآن ..
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأحد أبريل 03, 2011 1:28 pm
فيديــو
الكلام ده انا عرفة !!
د / حازم شومان
للمشاهــدة
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأحد أبريل 03, 2011 1:44 pm
برنامج خليكـى اجمــل " للبنات وبس " يقدمه لكم
بعنوان حسن المظهــر
_السلام علكم ورحمه الله وبركاته _وعليكم السلام ورحمه الله
_ازيك يا حبى عامله ايه النهارده؟ _الحمد لله كويسه ومستنياكى من امبارح عشان نكمل كلامنا
_امال... بس المهم دلوقتى احنا هنعمل زى مارسولنا قال لنا خير الامورالوسط _ماشى... يعنى ايه الشكل اللى هنحطه ادام عنينا علشان نلبسه؟!!
_بصى يا ستى... ممكن نلبس جيبه وبلوزه مثلا مع العلم انك هتلاقى منهم اشكال كتيره ومختلفه وفيها كل ذوق لكل بنت _تصدقى...!!!!
_طبعا هصدقك...؟!!! _انا عمرى مافكرت البس جيبه وبلوزه قبل كده ولا عمرى فكرت انى اتفرج على اشكالهم...!!!
_وادينا فيها ...بس مبدائيا انتى موافقه..؟! _اه...وايه المشكله انى اتغير من بره زى ماتغيرت من جوايه...؟!!!
_جميل اوى كلامك ده ...دلوقتى احنا هنتفق على وقت ننزل فيه انا وانتى ونشوف ونختار وعلى ذوقك اللى انتى هتلبسيه بس على الشروط اللى قال عليها نبيك _تمام اوى وانا موافقه
_انتى عارفه ليه الرسول صلى الله عليه وسلم وضع شروط للبس المرأه؟!!! _اه من كلامك ...عشان يحفظ البنت من عيون الشباب وعشان يحفظ الشباب من الفتنه...!!!
_كلامك جميل اوى... بس فى سبب اهم واعظم _ايه هو ...؟!
_لاننا جواهر كل بنت فينا جوهره ... جوهره جوه صدفه الاسلام وكان لازم يتحافظ عليها اوى يعنى مثلا لو انتى عندك حاجه غاليه اوى اوى ومش عايزه حد يشوفهابتعملى فيها ايه؟! _اممم... طبعا بخبيها عن كل العيون دا انا ممكن كمان احطها ف حاجه جوه حاجه
_تمام اوى كده ... احنا بقى البنات والنساء غالين اوى اوى على ربنا وعلى حبيبنا النبى صلى الله عليه وآله وسلم عشان كده كان لازم يخلينا جوهره جوه الصدفه اللى معموله بشكل معين _بجد ربنا ورسولنا دول بيحبونا اوى واحنا اللى مش واخدين بالنا وبجد خلاص انا اوعدك انى هغير لبسى لانى اقتنعت بكلامك اوى... وان شاء الله مش هرجع للبنطلون تانى
_وانا عارفه انك قد وعدك... ولما اشوفك متغيره فعلا هيكون لينا كلام تانى كتيير فى حاجات تانيه _ماشى يا قمر... وانا موافقه وهخليكى تشوفى منى واحده تانى خالص
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الجمعة أبريل 08, 2011 3:38 pm
مــــــن ألــــــوان المــــــدح..
عظيم الذنب يقتلنى حياءً حصون النفس شيطان غزاهـا
أبيت الليل أسوانا حزينا وطول الخوف فى عينى ضناهـا
فكل الناس - لو واسى - زوال بغير رضاك لم يلقو رضاهـا
فكم من علة تحيا بذنب بذكر الموت يحرقنى لظاهـا
وكم من سكرة هامت بعينى تدك النفس فى دنيا رحاهـا
وكم من طعنة غارت بنفسى هو الشيطان ملعونا رماهـا
هموم النفس تثقلنى عناء إله الناس .. ألهمنى هداهـا
فكم من لومة لامت بكاء بجوف القلب ياربى .. تراهـا
وكم من ليلة بت ابتهالا وكم من ليلة آتت جناهـا
وكم من نبضة بهواك كانت تُفتح فى دجى نفسى صفاهـا
بباب العفو منكسر .. ذليل ويسأل رحمة تغشى الجباهـا
فليل الإثم معقود سوادا يورث فى صفا نفسى جواهـا
ولولا أنك الرحمن ربى لضل العقل فى الدنيا .. وتاهـا
إله الناس رحمن البرايا سألت العفو .. حسبى ذاك جاهـا
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الجمعة أبريل 08, 2011 3:55 pm
برنامج خليكــى اجمـــل للبنــات وبس يقدمـه لكم بنات التغير
همسات قلب & ASMAA-
الحلقة الثالثــة
الحياء ________
_السلام عليكم ورحمة الله وبركاته _وعليكم السلام ورحمة الله وبركاته _إيه الأخبار؟ _الحمد لله...كله تمام _الحمد لله... (موبايل البنوته رن...ردت عليه وهى بتتكلم كان صوتها عالى وضحكتها كمان كانت عاليه أوى.... ) _إيه ياعم المكالمة الطويلة اللى اخدتك مننا ديه؟! _لا أبدا...ده بس واحده صاحبتى _وهو مش ينفع اتكلم مع صاحبتى غير بصوت عالى؟! _لاء...عادى يعنى...!!!
_لا ياحبيبت قلبى مش عادى...انتى بنت _وفيها إيه..؟!!
_أنا أقولك ... البنت لازم يكون صوتها هادى وكمان صوت ضحكتها يكون هادى يعنى أنتى بتكلمى اللى معاكى وبس مش كل اللى حواليكى!! _طيب ما هو فى أوقات الصوت بيعلى غصب عنك؟! _فى الحالة ده اتحكم فى نفسى _إزاى؟!!! _ببساطة جدا.. افتكر أنى بنت وحيائى يمنعنى أن صوتى يعلى وانا فى مكان عام.... _حيائى..؟!!!! _أيون ... حيائى...
ده صفة مهمة لازم تكون موجوده عند كل بنت ... الحياء...وكمان ده بيحميها أوى وبتكون مصونة ومكرمة _تصدقى... انا عمرى ماحد كلمنى عن الحياء...!! _خلاص ياستى...سهله..أنا أعرفك بيه _ياريت...!!!!!!!! _فى الاول لازم تعرفى يعنى ايه الحياء؟
الحياء صفة..موجوده عند كل الناس..الصفة ده بتخلينى ماعملش حاجات كتيره اوى غلط وكمان قبل ما اعمل اى حاجه أفكر فيها ياترى الحاجه ده تناسبنى كبنت وينفع اعملها عادى؟!
وأجمل حاجه فى الحياء انه من صفات الخالق عزوجل وكمان من صفات النبى صلى الله عليه وآله وسلم وكل الانبياء كمان _عليه الصلاة والسلام...
من صفات ربنا...؟!!!! _أيون... اسمعى كده الحديث الرائع ده يقول الرسول الكريم صلى الله عليه وآله وسلم (إن الله يستحى أن يرفع العبد يديه إليه ويدعوه فيردهما صفرا خائبتين)
(يستحى)!!! ده ربنا..الرسول بيقولنا ده عن ربنا اللى خلقنا..اللى احنا كلنا ملكه هو وبس وفينا منه...
يعنى ينفع يكون ربنا حييى وانتى....مش يكون عندك حياء؟!! _........؟!!!!! أنتى بتقولى أنه من صفات الرسول كمان؟! _أيون.. اسمعى كده الحديث ده وأنتى تعرفى..عن أبى سعيد الخدرى رضى الله عنه قال: (كان رسول الله صلى الله عليه وآله وسلم أشد حياءا من العذراء فى خدرها)...!! _بس بردوه...ده ربنا وده الرسول..!! _أيوه فعلا...أنتى نسيتى أن الرسول قدوتنا وأى حاجه يعملها لازم نعملها واى صفة تكون فيه لازم تكون فينا؟! _أيوه..بس الزمن مختلف _يعنى ايه؟! _يعنى زمان كانت البنت مش ليها لزمه يعنى قاعده فى البيت فلازم كانت يكون عندها حياء..!!! _لاء طبعا غلط...البنت على طول ليها كرامه وليها لزمه..ربنا مابيخلقش حاجه غير لما يكون منها فايده وليها مهمه...
وبعدين كون البنت قاعده فى البيت أو خرجت للشارع فده مايمنعش أنها يكون عندها حياء بالعكس ده يزود حياءها _ازاى؟!! _زمان بردوه البنت كانت بتخرج وبتتعامل مع الناس والدليا على ده البنتين فى قصة سيدنا موسى عليه السلام اسمعى كده ربنا عزوجل بيقولنا عنهم ايه (...فجاءته إحداهما تمشى على استحياء...)
(على استحياء)!!..ياالله... شوفتى ربنا بيصور لنا شدة حياء البنت اد إيه لما يوصف الحياء وكأنه حاجه مفروشه ع الأرض والبنت ماشيه عليه...يعنى مش مجرد صفة عندها..لا ده كمان أعظم من كده بكتير..وكأن ربنا بيمثل لنا الحياء على صورة البنت دي عشان نتعلم منها ازاى يكون عندنا حياء ونحافظ عليه _بس...!!! _بس ايه.. استنى لما أخلص كلامى... _وهو لسه فى حاجه تانيه هتقوليها؟!! _طبعا _أوك.. اتفضلى _أوك.. غير ده كله كمان الحياء من الايمان والدليل على ده حديث الرسول الكريم صلى الله عليه وآله وسلم...صلى عليه _عليه الصلاة والسلام.. _نقول الحديث... (الايمان بضع وستون شعبة افضلها لا اله إلا الله وادناها إماطة الاذى عن الطريق والحياء شعبة من الايمان) (البضع:من3-10 ، الشعبة: القطعة والخصلة)
شوفتى بقى أن مش ينفع أكون بنوته جميله وكمان مؤمنه غير لما يكون عندى حياء..!! _تصدقى فعلا..ازاى احنا كنا عايشين قبل كده ومش بنفكر فى موضوع الحياء ده..!!! _أنتى لسه معاكى الفرصة.. _أيوه صح.. لسه معايا الفرصة ولازم أستغلها... من هنا ورايح مش هاعمل اى حاجه غير لما أفكر ياترى حيائى يسمح لى أعمل الحاجه ده..وكمان صوتى هيكون هادى وضحكتى كمان حتى إن كنت بتكلم مع واحده صاحبتى _جميل أوى..ربنا معاكى ويعينك _يارب _دلوقتى بقى لازم أسيبك _ليه كده.. ماحنا بنتكلم سوا وحلوين خليكى شويه.. _سورى..بس عندى شوبنج --ههه..ماشى ياستى وابقى افتكرينا _إن شاء الله...يلا السلام عليكم ورحمة الله وبركاته _وعليكم السلام ورحمة الله وبركاته
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الثلاثاء أبريل 19, 2011 2:42 pm
إنما الدنيا فناء ... ليس للدنيا ثبوت ...
إنما الدنيا كبيتُ ... نسجته العنكبوت ...
H I M A A عضو خارق
هوايتي : بشتغل: : المزاج : البلد : الأوسمة : الجنس :
عدد المساهمات : 753 تاريخ التسجيل : 13/03/2011 العمر : 28
موضوع: رد: حملة (هنتغير بجد ).... للشباب والفتيات.....! الثلاثاء أبريل 19, 2011 2:53 pm
الله عليكى بجد يا الاء بجد مواضيعك حلوه اوى بس انا مقرتش حاجه من البنات دى علشان دى للبنات فقط
انا بس قريت الى فتنى و و الله نصايح حلوه اوى و كمان بتغيرنا بجد الحمد لله و مستنى الباقى ان شاء الله
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء أبريل 20, 2011 3:21 am
بوركـ فيكـ أخي الغالي .. ادعو الله ان يعيننا علي ذكرهـ وشكرهـ وحسن عبادتهـ ...
وبالطبع للحملة مواسم كثيييرة جدا ماشاء الله ... سأقوم بنقلها لكم عسي ان يجزينا ايانا واياكم خيراً ..
خالص احترامي وتقديري..!!
AL.SH عضو مشرفة الأقسام
هوايتي : بشتغل: : المزاج : البلد : الأوسمة : الجنس :
عدد المساهمات : 1698 تاريخ التسجيل : 17/09/2009 العمر : 29
موضوع: رد: حملة (هنتغير بجد ).... للشباب والفتيات.....! الأربعاء أبريل 20, 2011 3:26 am
ده فيديوقصه حياه هنتغير بجد وخلفيه الصوت للشيخ مشارى بن راشد العفاسى وانشوده " سيد الاخلاق "
